ઉત્તરાખંડના આરોગ્ય મંત્રી ધન સિંહ રાવતની કાર પલટી, દહેરાદુન જઈ રહ્યા હતા!

ઉત્તરાખંડના આરોગ્ય મંત્રી ડૉ ધન સિંહ રાવત સાથે એક મોટો માર્ગ અકસ્માત સર્જાયો છે. થલીસૈણ (પૌડી ગઢવાલ) થી દેહરાદૂન આવતી વખતે તેમની કાર પલટી હતી. આ ઘટના પૌડી જિલ્લાના થલીસૈણ અને ભરસાર વચ્ચે બની હતી.

By Desk

Published: Tuesday, December 14, 2021, 21:13 [IST]

પૌડી : ઉત્તરાખંડના આરોગ્ય મંત્રી ડૉ. ધન સિંહ રાવત સાથે એક મોટો માર્ગ અકસ્માત સર્જાયો છે. થલીસૈણ (પૌડી ગઢવાલ) થી દેહરાદૂન આવતી વખતે તેમની કાર પલટી હતી. આ ઘટના પૌડી જિલ્લાના થલીસૈણ અને ભરસાર વચ્ચે બની હતી..

સ્વાસ્થ્ય મંત્રી ધન સિંહ રાવત તેમના થલીસૈણ પ્રવાસમાંથી દેહરાદૂન પરત ફરી રહ્યા હતા. અચાનક મંત્રી ધનસિંહ રાવતની કાર લપસી હતી અને રોડ પર પલટી ગઈ હતી. તેના કારણે તેમના કાફલામાં પાછળથી આવતા વાહનો પણ એકબીજા સાથે અથડાયા હતા, જો કે, સદનસીબે મોટી દુર્ઘટના ટળી હતી. તમામ લોકો સલામત છે, કેટલાકને નાની-મોટી ઈજાઓ થઈ છે.

રાજ્ય સહકારી બેંકના પ્રમુખ માતબર સિંહ રાવત, મંત્રીના પીઆરઓ, સુરક્ષા કર્મચારીઓ અને અન્ય મંત્રી ધન સિંહ રાવત સાથે હતા. સદનસીબે કાર રસ્તા પર જ પલટી હતી અને ઊંડી ખીણમાં પડતાં સહેજ માટે રહી ગઈ હતી. આ તે વિસ્તાર છે જે હિમગ્રસ્ત વિસ્તાર હેઠળ આવે છે. ઉંચી ઊંચાઈ અને ગાઢ વૃક્ષોને લીધે અહીં રાત્રિ દરમિયાન હિમ (ઝાકળ) પડે છે અને જ્યારે હળવો બરફ પડે છે અથવા ઠંડી પડે છે ત્યારે તે થીજી જાય છે, જે ખૂબ જ લપસણો બની જાય છે. આ બરફમાં વારંવાર વાહનો સ્લીપ થતા રહે છે.

ઉલ્લેખનિય છે કે, ઉત્તરાખંડમાં સતત અકસ્માતો સર્જાતા રહે છે. આ પહેલા પણ ઉત્તરાખંડમાં મોટા અકસ્માતો સર્જાયા છે. યાત્રાએ આવતી બસો ઘણી વખત ઉંડી ખીણોમાં પડવાને કારણે મોટી જાનહાની પણ સર્જાઈ છે.

Published On December 14, 2021