હિથ્રો એરપોર્ટ પર પાકિસ્તાનની આવ્યુ હતું યુરેનિયમ, જાણો તપાસમાં બીજુ શું મળ્યુ?

હિથ્રો એરપોર્ટ પરથી મળેલુ યુરેનિયમ પાકિસ્તાનથી આવ્યુ છે. થયેલા ખુલાસા અનુસાર, આ યુરેનિયમ પાકિસ્તાનથી ઓમાન અને ઓમાનથી ફ્લાઈટમાં હિથ્રો એરપોર્ટ પહોંચ્યુ. આ યુરેનિયમ એક ઈરાની નાગરીકને આપવા માટે લવાયુ હતું.

By Desk

Published: Wednesday, January 11, 2023, 23:30 [IST]

લંડન : લંડનના હિથ્રો એરપોર્ટ પરથી પ્રતિબંધિક યુરેનિયમ મળતા હાહાકાર મચી ગયો છે. લંડનની તમામ સુરક્ષા એજન્સીઓ તેની તપાસમાં લાગી છે ત્યારે હવે આ બાબતે મોટો ખુલાસો થયો છે. સામે આવી રહેલી વિગતો અનુસાર હિથ્રો એરપોર્ટ પરથી મળેલુ યુરેનિયમ પાકિસ્તાનથી આવ્યુ છે. થયેલા ખુલાસા અનુસાર, આ યુરેનિયમ પાકિસ્તાનથી ઓમાન અને ઓમાનથી ફ્લાઈટમાં હિથ્રો એરપોર્ટ પહોંચ્યુ. આ યુરેનિયમ એક ઈરાની નાગરીકને આપવા માટે લવાયુ હતું.

સુત્રો પાસેથી મળેલી માહિતી અનુસાર, આ કેસ સાથે સંબંધિત તમામ વ્યક્તિઓને શોધવ માટે તપાસ ચાલી રહી છે. મનાઈ રહ્યું છે કે, આ યુરેનિયમ યુકે સ્થિત ઈરાનીઓને દાણચોરી કરવામાં આવી રહ્યું હતું. હીથ્રો એરપોર્ટ પર પેસેન્જર પ્લેનમાંથી તેને જપ્ત કરાયુ હતું.

હિથ્રો એરપોર્ટ પર લાગેલા ખાસ સ્કેનરમાં આ યુરેનિયમ પકડાયુ હતું. આ યુરેનિયમ ફ્રેઇટ શેડમાં હતું અને એલાર્મ વાગતા ભાંડો ફૂટ્યો હતો. યુરેનિયમ હોવાનો ખુલાસો થતા તેને શિપમેન્ટમાંથી દૂર કરીને રેડિયેશન રૂમમાં ખસેડાયુ હતું. હાલ પેકેટ મોકલનારની સુરક્ષા તપાસ શરૂ કરાઈ છે.

ધ સનના એક અહેવાસ અનુસાર, આઆ યુરેનિયમ પાકિસ્તાનથી રવાના થયુ અને મસ્કતથી ઓમાન એર જેટ પર હીથ્રો એરપોર્ટના ટર્મિનલ 4 પર પહોંચ્યું. આ પેકેજ શંકાસ્પદ લોકો પાસે જવાનું હતું. હજુ સુધી આ કેસમાં કોઈની ધરપકડ કરવામાં આવી નથી.

Published On January 11, 2023