પાકિસ્તાનની જીતનો જશ્ન મનાવનારાઓ પર UP પોલીસની કાર્યવાહી, 4 લોકોની ધરપકડ!

ટી-20 વર્લ્ડ કપમાં પાકિસ્તાન સામે ભારતની હાર પર પાકિસ્તાનનું સમર્થન કરનારાઓ સામે યુપી પોલીસે કાર્યવાહી શરૂ કરી છે. પોલીસે આ કેસમાં અત્યાર સુધીમાં પાંચ અલગ-અલગ જિલ્લામાંથી 7 લોકોના નામ ચોપડે ચડાવ્યા છે.

લખનઉ, 27 ઓક્ટોબર : ટી-20 વર્લ્ડ કપમાં પાકિસ્તાન સામે ભારતની હાર પર પાકિસ્તાનનું સમર્થન કરનારાઓ સામે યુપી પોલીસે કાર્યવાહી શરૂ કરી છે. પોલીસે આ કેસમાં અત્યાર સુધીમાં પાંચ અલગ-અલગ જિલ્લામાંથી 7 લોકોના નામ ચોપડે ચડાવ્યા છે અને તેમાંથી 4 લોકોની અટકાયત કરવામાં આવી છે. આ આરોપીઓ સામે રાજદ્રોહનો કેસ દાખલ કરવામાં આવશે. કહેવામાં આવી રહ્યું છે કે પોલીસે આગરામાં 3, બરેલીમાં 3 અને લખનઉમાં 1 વ્યક્તિના નામ આપ્યા છે. તમને જણાવી દઈએ કે રવિવારે દુબઈમાં T20 વર્લ્ડ કપ મેચમાં ભારતને પાકિસ્તાન સામે હારનો સામનો કરવો પડ્યો હતો. 2007 થી 2016 સુધી ભારતે હંમેશા T20 વર્લ્ડ કપ મેચોમાં પાકિસ્તાનને હરાવ્યું છે. માત્ર T20 વર્લ્ડ કપમાં જ નહીં, પરંતુ 50 ઓવરના વર્લ્ડ કપમાં પણ ભારત સામે પાકિસ્તાનની આ પહેલી જીત છે.

બીજી તરફ રાજસ્થાનના ઉદયપુરમાં પાકિસ્તાનની જીત પર ખુશી વ્યક્ત કરતી વખતે સ્ટેટસ લગાવનાર શિક્ષક નફીસા અત્તારીની પોલીસે ધરપકડ કરી છે. પોલીસે આ કેસમાં નફીસા અત્તારીનો મોબાઈલ જપ્ત કરીને તપાસ શરૂ કરી છે. પોલીસ દ્વારા મહિલા શિક્ષિકાનું મેડિકલ કરાવ્યા બાદ તેને કોર્ટમાં રજૂ કરવામાં આવી હતી, જ્યાંથી તેને જેલ મોકલી દેવામાં આવી હતી.

તમને જણાવી દઈએ કે, T20 વર્લ્ડ કપમાં વિરાટ કોહલીની કેપ્ટન્સીવાળી ટીમ ઈન્ડિયાને પાકિસ્તાન સામેની પોતાની પ્રથમ મેચમાં હારનો સામનો કરવો પડ્યો હતો. વર્લ્ડ કપ જેવી ટૂર્નામેન્ટમાં 29 વર્ષમાં પહેલીવાર ભારત પાકિસ્તાન સામે હારી ગયું છે, જેના કારણે ભારતીય ટીમની ટીકા થઈ રહી છે. બીજી તરફ ઘણી જગ્યાએથી ઉજવણીના સમાચાર પણ આવ્યા હતા. આવા લોકો સામે હવે કાર્યવાહી શરૂ કરવામાં આવી છે. ઉદયપુરની નીરજા મોદી સ્કૂલની શિક્ષિકા નફીસા અત્તારીએ પાકિસ્તાનની જીતની ઉજવણી કરી અને તેને સ્ટેટસ પર પણ શેર કર્યું હતું. સોશિયલ મીડિયા પર આ મામલો વાયરલ થયા બાદ તેને સ્કૂલમાંથી કાઢી મૂકવામાં આવી હતી. હવે તેની ધરપકડ કરવામાં આવી છે.

ઉલ્લેખનિય છે કે પાકિસ્તાન સામે ભારતની હાર બાદ દેશ વિરોધી તત્વોએ ઉજવણી કરી હોવાના સમાચાર સામે આવ્યા હતા. હવે આ સમાચારોને લઈને પોલીસે કાર્યવાહી શરૂ કરી છે અને એક પછી એક અટકાયત કરી રહી છે.

English summary

UP police crackdown on those celebrating Pakistan's victory, arrest 4 detainees!