YSR કોંગ્રેસ ચીફની બહેનનું નામ ‘બાહુબલી' પ્રભાસ સાથે જોડવાના કેસમાં બેની ધરપકડ

YSR કોંગ્રેસના પ્રમુખ વાયએસ જગન મોહન રેડ્ડીની બહેન વાયએસ શર્મિલાનું નામ સોશિયલ મીડિયા પર એક ફિલ્મ અભિનેતા સાથે જોડાવા અને અશ્લીલતા ફેલાવાના આરોપમાં પોલિસે બેની ધરપકડ કરી છે.

Published: Monday, February 4, 2019, 14:00 [IST]

યુવાજના શ્રામિકા રૈતુ કોંગ્રેસ પાર્ટી (YSR કોંગ્રેસ)ના પ્રમુખ વાયએસ જગન મોહન રેડ્ડીની બહેન વાયએસ શર્મિલાનું નામ સોશિયલ મીડિયા પર એક ફિલ્મ અભિનેતા સાથે જોડાવા અને અશ્લીલતા ફેલાવાના આરોપમાં પોલિસે બે લોકોની ધરપકડ કરી છે. રવિવારે પોલિસે ખુદ આ અંગે જાણકારી આપી છે. તમને જણાવી દઈએ કે વાયએસ શર્મિલાએ ગઈ 14 જાન્યુઆરીએ હૈદરાબાદ પોલિસ કમિશ્નરને ફરિયાદ કરી હતી અને એ લોકો સામે કાર્યવાહી કરવાની માંગ કરી હતી જેમણે તેમના વિશે વાંધાજનક વસ્તુઓ સોશિયલ મીડિયા પર શેર કરી હતી.

તેલુગુ દેશમ પાર્ટીનો હાથ

તેમણે એવો આરોપ લગાવ્યો હતો કે આવુ કરવા પાછળ તેલુગુ દેશમ પાર્ટી (ટીડીપી) નો હાથ છે. પોલિસે આ અંગે અજ્ઞાત લોકો સામે આઈટી એક્ટ અને આઈપીસીની કલમોમાં કેસ નોંધીને તપાસ કરી રહી હતી. અધિક ડેપ્યુટી પોલિસ કમિશ્નર (સાઈબર ગુના) ના સી એસ રઘુવીરે જણાવ્યુ કે ગુંટુરના રહેવાસી એક એમસીએ છાત્રની શનિવારે ધરપકડ કરવામાં આવી અને તેલંગાનાના મંચિરયલ જિલ્લાના એક અન્ય યુવકની રવિવારે ધરપકડ કરવામાં આવી. તેમણે જણાવ્યુ કે પોલિસને અન્ય લોકોની પણ આમાં શામેલ થવાની શંકા છે. આ સિલસિલામાં વધુ ધરપકડ પણ સંભવ છે.

રાજકીય લાભ માટે તેમને બદનામ કરવાનો પ્રયાસ

શર્મિલાના આરોપની નિંદા કરતા આંધ્ર પ્રદેશના મહિલા વિકાસ મંત્રી પારીતાલા સુનીતાએ કહ્યુ કે સોશિયલ મીડિયા પર પોસ્ટથી ટીડીપીને કોઈ લેવાદેવા નથી. સુનીતાએ એક નિવેદનમાં કહ્યુ કે માત્ર શર્મિલા જ નહિ પરંતુ કોઈ પણ મહિલા સામે અપમાનજનક પોસ્ટની ટીડીપી નિંદા કરે છે. શર્મિલાએ પત્રકારો સાથે વાત કરતા અભિનેતા સાથે પોતાનું નામ જોડવાને નિહિત સ્વાર્થ ખાતર ‘ફર્જી પ્રોપાગાન્ડા' ગણાવ્યુ. તેમણે કહ્યુ કે સામાન્ય ચૂંટણી પહેલા રાજકીય લાભ માટે તેમને બદનામ કરવાનો પ્રયાસ કરવામાં આવી રહ્યો છે.

પ્રભાસ સાથે જોડવામાં આવ્યુ છે નામ

શર્મિલાનું નામ સુપરહિટ ફિલ્મ ‘બાહુબલી' ના અભિનેતા પ્રભાસ સાથે જોડવામાં આવ્યુ છે. સોશિયલ મીડિયા પર શર્મિલા અને પ્રભાસ વિશે વિવિધ પ્રકારની વાતો કહેવામાં અને લખવામાં આવી રહી છે. અમુક લોકોએ બંનેના સંબંધો હોવાની પણ વાત કહી છે. શર્મિલાએ મીડિયા સાથે વાત કરતા કહ્યુ છે કે તેમનો પ્રભાસ સાથે કોઈ સંબંધ નથી. શર્મિલાના જણાવ્યા મુજબ પ્રભાસને મળવાનું તો દૂરની વાત છે તેમણે ક્યારેય તેમની સાથે વાત પણ નથી કરી.

આ પણ વાંચોઃ મમતા સરકાર સામે CBIની અરજી પર SC: 'પુરાવા લાવો અમે કાર્યવાહી કરીશુ'

Published On February 4, 2019