6 ડિસેમ્બરે યોજાનારી ઈન્ડિયા ગઠબંધનની બેઠક ટળી, જાણો શું છે કારણ?
પાંચ રાજ્યોની ચૂંટણીમા પરિણામો બાદ કોંગ્રેસ દ્વારા બોલાવવામાં આવેલી ઈન્ડિયા ગઠબંધનની બેઠક ટળી છે. આ બેઠક નેતાઓ વ્યસ્ત હોવાને લીધે ટળી રહી હોવાના અહેવાલો છે.
આગામી લોકસભા ચૂંટણી માટે 6 નવેમ્બરે દિલ્હીમાં ઈન્ડિયા એલાયન્સની બેઠક બોલાવાઈ હતી. કોંગ્રેસ દ્વારા બોલાવવામાં આવેલી આ બેઠક ઘણા નેતાઓ હાજર ન રહેવાના હોવાથી મોકૂફ રાખવામાં આવી છે.
ઈન્ડિયા ગઠબંધનની આ બેઠક એવા સમયે સ્થગિત કરાઈ છે જ્યારે પાંચ રાજ્યોની વિધાનસભા ચૂંટણીમાં કોંગ્રેસને હારનો સામનો કરવો પડ્યો છે. તેલંગાણા એકમાત્ર એવું રાજ્ય છે જ્યાં કોંગ્રેસ સરકાર બનાવવામાં સફળ રહી છે.
હિન્દી હાર્ટલેન્ડ સ્ટેટ રાજસ્થાન, મધ્યપ્રદેશ અને છત્તીસગઢમાં કોંગ્રેસની સરકાર ગઈ છે. એવું પણ કહેવામાં આવી રહ્યું છે કે તાજેતરમાં જાહેર થયેલા ચૂંટણી પરિણામો આ બેઠકને મુલતવી રાખવાનું કારણ હોઈ શકે છે.
જો કે, ગઠબંધનના મુખ્ય નેતાઓ ભાગ લેવા નથી આવી રહ્યા પરંતુ હજુ પણ બેઠક યોજાવાની છે. આ જ કારણ છે કે વિપક્ષી પાર્ટીઓ હવે આવતીકાલે યોજાનારી ઈન્ડિયા એલાયન્સની બેઠકને અનૌપચારિક બેઠક ગણાવી રહ્યા છે.
માનવામાં આવે છે કે બિહારના મુખ્યમંત્રી નીતિશ કુમાર, પશ્ચિમ બંગાળના મુખ્યમંત્રી મમતા બેનર્જી અને સમાજવાદી પાર્ટીના વડા અખિલેશ યાદવની હાજરી ન હોવાના સમાચાર વચ્ચે ગઠબંધનને લઈને ઉભા થઈ રહેલા પ્રશ્નોના કારણે આ નિર્ણય લેવાયો છે.
કોંગ્રેસના સૂત્રો અનુસાર, તમિલનાડુના મુખ્યમંત્રી એમકે સ્ટાલિન ઈન્ડિયા એલાયન્સની બેઠકમાં ભાગ લેવા માટે નવી દિલ્હી નથી આવી રહ્યા. તેનું કારણ તમિલનાડુ હાલમાં ચક્રવાતી તોફાન મિચોંગ છે. બિહારના મુખ્યમંત્રી નીતિશ કુમાર પણ દિલ્હી આવવાના હતા પરંતુ તેમની તબિયતના કારણે તેઓ આ બેઠકમાં હાજરી આપી શકે તેમ નથી.
બીજી તરફ પશ્ચિમ બંગાળમાં મમતા બેનર્જીના ઘરે લગ્ન છે, જેના કારણે તે પણ મીટિંગમાં આવી શકે તેમ નથી. અખિલેશ યાદવ પણ બેઠકમાં ભાગ લેવા નથી આવી રહ્યા. ઝારખંડના મુખ્યમંત્રી હેમંત સોરેન પણ આ બેઠકમાં ભાગ લઈ રહ્યા નથી. તેમણે કહ્યું કે હું અહીં રાંચીમાં વ્યસ્ત રહીશ. મેં કોંગ્રેસ અધ્યક્ષ મલ્લિકાર્જુન ખડગે સાથે વાત કરી છે. અમારી તરફથી કોઈ પ્રતિનિધિ બેઠકમાં જઈ શકે છે.
પૂર્વ આયોજિત બેઠક મુજબ, ભારતીય ગઠબંધનના ઘટક પક્ષોના સંસદીય નેતાઓની બેઠક આવતીકાલે સાંજે 6 વાગ્યે કોંગ્રેસ અધ્યક્ષ મલ્લિકાર્જુન ખડગેના નિવાસસ્થાને યોજાશે. આગામી બેઠક પહેલા તમામ મોટા ચહેરાઓને એક મંચ પર લાવવાના પ્રયાસો હાથ ધરવામાં આવશે, કારણ કે મોટા ચહેરાઓ એકસાથે ન આવવાથી સમગ્ર મહાગઠબંધન પર સવાલો ઉભા થઈ રહ્યા હતા.
Click it and Unblock the Notifications
Sign in with Google
