Video: સમાજમાં નફરત ફેલાવવાના આરોપમાં રિપબ્લિક ટીવીના એડિટર અર્નબ સામે FIR

રિપબ્લિક ટીવીના એડિટર અર્નબ ગોસ્વામી સામે સામાજિક વૈમનસ્યતાને પ્રોત્સાહન આપવાના કારણે નાગપુરમાં કેસ નોંધી લેવામાં આવ્યો છે. આ સાથે તેમના પર આરોપ છે કે તેમણે પાલઘર લિચિંગ ઘટના માટે કોંગ્રેસ અધ્યક્ષ સોનિયા ગાંધીને જવાબદાર ગણાવ્યા હતા. આ મામલે પણ તેમની સામે કેસ નોંધી લેવામાં આવ્યો છે. તમને જણાવી દઈએ કે બે સાધુ એક ડ્રાઈવરની મહારાષ્ટ્રના પાલઘરમાં ભીડે મારી મારીને હત્યા કરી દીધી હતી. આ લોકો 16 એપ્રિલે સિલવાસા જઈ રહ્યા હતા. આ દરમિયાન પાલઘર જિલ્લાના ગઢચિંચલે ગામમાં આ લોકોની સ્થાનિક ગ્રામીણોએ મારી મારીને હત્યા કરી દીધી હતી. મહત્વની વાત એ છે કે આ દરમિયાન ત્યાં ઘટના સ્થળે પોલિસ પણ હાજર હતી, તેમછતાં આ લોકોએ પોલિસ સામે આ લોકોને મારી મારીને હત્યા કરી દીધી.

ડીસીપી વિનીતા સાહૂએ કહ્યુ કે ગોસ્વામી સામે સેક્શન 117, 120બી, 153એ, 153બી, 295એ, 2909એ, 500,504, 506 હેઠળ કેસ નોંધવામાં આવ્યો છે. તેમની સામે છત્તીસગઢના રાયપુરમાં પણ એક કેસ નોંધવામાં આવ્યો છે. તમને જણાવી દઈએ કે મહારાષ્ટ્ર કોંગ્રેસે ગોસ્વામીની નિંદા કરીને એક નિવેદનમાં કહ્યુ કે પાલઘર મામલે કોઈ પુરાવા ન હોવા છતાં ખોટી રીતે સાંપ્રદાયિક રંગ આપ્યો. જ્યારે આખો દેશ કોરોના વાયરસ સંક્રમણ સામે લડી રહ્યો છે, આ દૂર્ભાગ્યપૂર્ણ છે કે મીડિયાનો એક વર્ગ સમાજમાં નફરત ફેલાવી રહ્યો છે. ગોસ્વામીએ એક મહિલા સામે સમાજમાં નફરત ફેલાવવાનુ કામ કર્યુ છે. તેમણે કોંગ્રેસ અધ્યક્ષ સામે ટીવી પર અપમાનજનક ભાષાનો ઉપયોગ કર્યો, આ સંપૂર્ણપણે અનૈતિક પત્રકારિતા છે. અમે આનો વિરોધ કરીશુ. અમે ભાઈચારોમાં ભરોસો કરીએ છે, આ રીતની નફરત સહન ન કરી શકીએ. આ દેશની એકતા માટે ખતરનાક છે.

ઉલ્લેખનીય છે કે અર્નબ ગોસ્વામી અને તેમની પત્ની પર બુધવારની રાતે જાનલેવા હુમલો કરવામાં આવ્યો. ગોસ્વામીએ કોંગ્રેસ પાર્ટી પર હુમલાનો આરોપ લગાવ્યો છે. અર્નબ પર બાઈક સવાર ગુંડાઓએ હુમલો એ વખતે કર્યો જ્યારે તે પોતાના ઘરમાંથી માત્ર 500 મીટરના અંતરે હતા. હુમલા વખતે અર્નબ ગોસ્વામીની પત્ની પણ સોનિયા પણ એ કારમાં હાજર હતી. હુમલા દરમિયાન અર્નબ ગોસ્વામી કાર ડ્રાઈવ રહ્યા હતા, હાલમાં અર્નબ અને તેમની પત્ની ઠીક છે.

#BREAKING | Arnab's message after being physically attacked by Congress goons #SoniaGoonsAttackArnab https://t.co/RZHKU3fdmK pic.twitter.com/SdAvoerhIH

— Republic (@republic) April 22, 2020

English summary

Republic TV editor Arnab Goswami booked for promoting enmity and remark against Sonia Gandhi.