PM મોદીએ વીડિયો કોલિંગ દ્વારા કોને પાઠવી દિવાળની શુભકામના?

ભારતીય નેવીની મહિલા ટીમ આઈએનએસવી તારિણીથી દુનિયાની સફરે નીકળી છે, ત્યારે વડાપ્રધાન નરેન્દ્ર મોદીએ વીડિયો કોલ દ્વારા તેમને સમગ્ર દેશ તરફથી દિવાળીની શુભકામનાઓ પાઠવી હતી.

By Shachi

Published: Friday, October 20, 2017, 9:52 [IST]

ભારતીય નૌસેનાની મહિલા ટીમ આઈએનએસવી તારિણીથી દુનિયાની સફરે છે. આ મિશન હેઠળ મહિલા ટીમ સમુદ્રી રસ્તે વિશ્વનું ચક્કર મારવા નીકળી છે. તહેવારના દિવસે પોતાના પરિવારથી દૂર મિશનમાં કાર્યરત મહિલા ટીમને વડાપ્રધાન નરેન્દ્ર મોદીએ આખા દેશ તરફથી શુભકામનાઓ પાઠવી હતી. પીએમ મોદીએ ખાસ વીડિયો કોલિંગ કરી મહિલા ટીમના સભ્યોને દિવાળીની શુભકામના પાઠવી હતી.

પીએમ મોદીએ ટીમને 'હેપ્પી દિવાળી' કહ્યું અને સાથે જ મિશનમાં સફળ થવાની પણ શુભકામનાઓ આપી. ઓગસ્ટમાં જ્યારે નેવીની આ ટીમ દુનિયાની સફરે નીકળી હતી ત્યારે સૌ પ્રથમ પીએમ મોદી જ તેમને મળ્યા હતા. આઈએનએસવી તારિણીથી મહિલાઓની આ ટીમ દુનિયાને માપવાના મિશન સાથે 22,100 નૉટિકલ મીલની યાત્રા કરશે. વર્તમાન સમયમાં આઈએનએસવી તારિણી ઑસ્ટ્રેલિયાના પોતાના પહેલા ચરણ તરફ આગળ વધી રહી છે અને આશા છે કે, 22 ઓક્ટોબર, 2017ના રોજ લગભગ 4770 નૉટિકલ મીલનું અંતર કાપ્યા બાદ ઑસ્ટ્રેલિયા પહોંચશે.

Published On October 20, 2017