Budget 2024: 'આ દેશના ભવિષ્ય નિર્માણનુ બજેટ છે', વચગાળાના બજેટ પર પીએમ મોદીનુ નિવેદન

Published: Thursday, February 1, 2024, 15:08 [IST]

PM Modi On Budget 2024: કેન્દ્ર સરકારે ગુરુવારે તેના બીજા કાર્યકાળ માટે વચગાળાનું બજેટ 2024 રજૂ કર્યું. નાણામંત્રી નિર્મલા સીતારમણે નવી સંસદમાંથી ખેડૂતો, મહિલાઓ, સ્વાસ્થ્ય અને ઈન્ફ્રાસ્ટ્રક્ચરને લઈને ઘણી મોટી જાહેરાતો કરી છે. આ બજેટમાં મહિલાઓ, યુવાનો અને ખેડૂતોને લગતી કલ્યાણકારી યોજનાઓ માટે ભંડોળ બહાર પાડવામાં આવ્યું છે.

હવે વડાપ્રધાન નરેન્દ્ર મોદીએ વચગાળાના બજેટ પર પ્રતિક્રિયા આપી છે. વડા પ્રધાન નરેન્દ્ર મોદીએ વચગાળાના બજેટને સમાવિષ્ટ અને નવીન ગણાવ્યું છે. તેમણે એમ પણ કહ્યું કે આ બજેટ વિકસિત ભારતના ચાર સ્તંભો- યુવા, ગરીબ, મહિલા, ખેડૂતોને સશક્ત બનાવશે. તેમણે તેને દેશના ભવિષ્યના નિર્માણ માટેનું બજેટ ગણાવ્યું છે.

તેમણે એવો પણ દાવો કર્યો હતો કે આ બજેટ ભારતને 2047 સુધીમાં વિકસિત રાષ્ટ્ર બનાવવાની ખાતરી આપે છે. બજેટ રજૂ થયા બાદ પીએમ મોદીએ પોતાના સંબોધનમાં કહ્યું કે આ બજેટ મજબૂત ભવિષ્યની ગેરંટી છે. પોતાના નિવેદનમાં પીએમ મોદીએ કહ્યું, "આ બજેટ યુવા ભારતની યુવા આકાંક્ષાઓનું પ્રતિબિંબ છે. બજેટમાં બે મહત્વપૂર્ણ નિર્ણયો લેવામાં આવ્યા છે.

સંશોધન અને નવીનતા પર 1 લાખ કરોડ રૂપિયાનું ફંડ બનાવવાની જાહેરાત કરવામાં આવી છે, સ્ટાર્ટઅપ્સને બજેટમાં નાણાકીય સહાય આપવામાં આવશે. ઉપલબ્ધ કર મુક્તિના વિસ્તરણની પણ જાહેરાત કરવામાં આવી છે.

તેમણે કહ્યું કે રાજકોષીય ખાધને અંકુશમાં રાખીને મૂડી ખર્ચને 11 લાખ 11 હજાર 111 કરોડ રૂપિયાની ઐતિહાસિક ઉચ્ચતમ સપાટી આપવામાં આવી છે. વચગાળાના બજેટ પર પીએમએ કહ્યું, "આજે આ બજેટમાં ખેડૂતો માટે ખૂબ જ મહત્વપૂર્ણ અને મોટા નિર્ણયો લેવામાં આવ્યા છે.

નેનો ડીએપીનો ઉપયોગ, પ્રાણીઓ માટે નવી યોજનાઓ, પીએમ મત્સ્ય સંપદા યોજનાનું વિસ્તરણ અને સ્વનિર્ભર ઓઈલ સીડ અભિયાન ખેડૂતોને મદદ કરશે, આવક વધશે અને ખર્ચ ઘટશે." વચગાળાના બજેટ પર પીએમ મોદીએ કહ્યું કે આવકવેરા મુક્તિ યોજના મધ્યમ વર્ગના 1 કરોડ લોકોને રાહત આપશે. આ બજેટમાં ખેડૂતો માટે મહત્વના નિર્ણયો લેવામાં આવ્યા છે.

તેમણે કહ્યું, "આ બજેટ ગરીબ અને મધ્યમ વર્ગના સશક્તિકરણ અને તેમના માટે રોજગારની નવી તકો ઊભી કરવા પર ભાર મૂકે છે. ગરીબો માટે વધુ 2 કરોડ મકાનો બનાવવાની જાહેરાત કરવામાં આવી છે. અમારું લક્ષ્ય 3 કરોડ 'લખપતિ દીદીઓ' બનાવવાનું છે હવે આશા અને આંગણવાડી કાર્યકરોને પણ આયુષ્માન ભારત યોજનાનો લાભ મળશે.

#WATCH | PM Modi on interim Budget says, "Income-tax remission scheme will provide relief to 1 crore people from the middle class. In this budget, important decisions have been taken for the farmers."#Budget2024 pic.twitter.com/Lg2fRnMJS5
— ANI (@ANI) February 1, 2024