પેટ્રોલ-ડિઝલ સસ્તુ થયું, કેન્દ્ર સરકારે એક્સાઈઝ ડ્યૂટીમાં ધરખમ ઘટાડો કર્યો!

સમાચાર એજન્સી એએનઆઈના જણાવ્યા અનુસાર કેન્દ્ર સરકાર પેટ્રોલ અને ડિઝલ પર લાગતી એક્સાઈઝ ડ્યૂટીમાં ઘડાટો કરવા જઈ રહી છે. સમાચાર અનુસાર, પેટ્રોલ પર 5 અને ડિઝલ પરની એક્સાઈઝ ડ્યૂટીમાં 10 રૂપિયાનો ઘટાડો કરાયો છે.

દિવાળીની પુર્વ સંધ્યાએ દેશના નાગરિકો માટે એક સારા અને મોટા સમાચાર આવ્યા છે. મળતી વિગતો અનુસાર, દેશના લોકોને મોંઘવારીની માર વચ્ચે મોટી રાહત મળી છે. ભારતમાં હાલ પેટ્રોલ-ડિઝલના ભાવને લઈને બબાલ ચાલી રહી છે ત્યારે હવે સરકારે મોટી રાહત આપી છે.

સમાચાર એજન્સી એએનઆઈના જણાવ્યા અનુસાર કેન્દ્ર સરકાર પેટ્રોલ અને ડિઝલ પર લાગતી એક્સાઈઝ ડ્યૂટીમાં ઘડાટો કરવા જઈ રહી છે. સમાચાર અનુસાર, પેટ્રોલ પર 5 અને ડિઝલ પરની એક્સાઈઝ ડ્યૂટીમાં 10 રૂપિયાનો ઘટાડો કરાયો છે. એક્સાઈઝ ડ્યૂટીમાં ઘટાડો થતા હવે પેટ્રોલ અને ડિઝલના ભાવમાં સીધો ઘટાડો થશે. સીધી રીતે કહીએ તો પેટ્રોલના ભાવમાં 5 અને ડિઝલના ભાવમાં 10 રૂપિયાનો ઘટાડો થશે.

On eve of #Diwali, Government of India announces excise duty reduction on petrol and diesel. Excise duty on Petrol and Diesel to be reduced by Rs 5 and Rs 10 respectively from tomorrow pic.twitter.com/peYP1fA4gO

— ANI (@ANI) November 3, 2021

ઉલ્લેખનિય છે કે છેલ્લા કેટલાક સમયથી પેટ્રોલ અને ડિઝલના ભાવમાં સતત ભડકો થઈ રહ્યો છે. વધતા જતા પેટ્રોલ-ડિઝલના ભાવને કારણે પરિવારોનું બજેટ બગડી રહ્યું છે. જેના કારણે વિપક્ષી પાર્ટીઓ સતત કેન્દ્ર સરકાર પર નિશાન સાધી રહી હતી. ત્યારે હવે સરકારે પેટ્રોલ-ડિઝલના ભાવમાં મોટો ઘડાટો કરીને વિરોધીઓને ચુપ કરવાનો પ્રયાસ કર્યો છે.

અહીં એક વાત ઉલ્લેખનિય છે કે, પેટ્રોલના ભાવમાં 5 રૂપિયાનો ઘટાડો થવા છત્તા કેટલાય શહેરોમાં પેટ્રોલના ભાવ 100 રૂપિયા કરતા વધુ રહેશે. જો કે, ડિઝલના ભાવમાં ઘટાડો થતા હવે ખેડૂતો સહિત તમામ ઉદ્યોગોને મોટો ફાયદો થશે.

English summary

Petrol-diesel will be cheaper, central government drastically reduces excise duty!