પાકિસ્તાનની જીતની ઉજવણી કરનારા વિદ્યાર્થીઓને PDP પૂરી પાડશે કાનૂની સહાય

જમ્મુ કાશ્મીરના પૂર્વ મુખ્યમંત્રી મહેબૂબા મુફતીની પાર્ટી પીડીપીએ પાકિસ્તાનની જીતની ઉજવણી કરનારા વિદ્યાર્થીઓની કાનૂની સહાયતા કરવાનુ નક્કી કર્યુ છે. ઉલ્લેખનીય છે કે, ટી-20 વર્લ્ડકપમાં ભારત-પાકિસ્તાનની મેચ બાદ શ્રીનગરમાં મેડિકલના વિદ્યાર્થીઓએ પાકિસ્તાનની જીતની ઉજવણી કરી હતી.જેના પગલે આ વિદ્યાર્થીઓ સામે યુએપીએ હેઠળ કેસ કરવામાં આવ્યા છે.આ વિદ્યાર્થીઓને કાયદાકીય મદદ આપવાનુ પીડીપીએ નક્કી કર્યુ છે.

પીડીપીએ કહ્યુ છે કે જે વિદ્યાર્થીઓ પર યુએપીએ હેઠળ કેસ કરાયો છે અને જે ન્યાય મેળવવા માટે સક્ષમ નથી તે કાનૂની સહાયતા મેળવવા માટે અમારો સંપર્ક કરી શકે છે. ઉલ્લેખનીય છે કે, આ મેચ બાદ કાશ્મીરના મેડિકલ સ્ટુડન્ટસે ઉજવણી કરી હતી અને પાકિસ્તાનનુ રાષ્ટ્રગીત પણ ગાયુ હતુ.જેના આખા દેશમાં ઘેરા પ્રત્યાઘાત પડ્યા હતા.

ઉલ્લેખનિય છેકે વકીલોએ પાકિસ્તાનની ઉજવણી કરનાર વિદ્યાર્થીઓનો કેસ લડવાની મનાઇ કરી હતી. આ ઉપરાંત વકીલોએ જાહેર કર્યું હતુ કે જો કોઇ વિદ્યાર્થીઓનો કેસ લડશે તો તેમના વિરૂદ્ધ પગલા લેવામાં આવશે.

English summary

PDP will provide legal aid to students celebrating Pakistan's victory