ભારતના ગેરકાનૂની પગલાંનો જવાબ આપવામાં આવશે: પાકિસ્તાન

ભારત સરકારે જમ્મુ-કાશ્મીરમાંથી ધારા 37૦ હટાવી દીધી છે. આ સાથે તેનો વિશેષ રાજ્યનો દરજ્જો પણ પૂરો થયો છે. આ સમગ્ર ઘટના પર પાડોશી દેશ પાકિસ્તાનની પ્રતિક્રિયા પણ સામે આવી છે. પાકિસ્તાનના રાષ્ટ્રપતિ અને રાજ્ય વિભાગ દ્વારા એક સત્તાવાર નિવેદન બહાર પાડવામાં આવ્યું છે. આપને જણાવી દઈએ કે રવિવારે પાકિસ્તાનના પીએમ ઇમરાન ખાને ફરી એકવાર ટ્વીટ કરીને અમેરિકી રાષ્ટ્રપતિ ડોનાલ્ડ ટ્રમ્પને કાશ્મીર મુદ્દે મધ્યસ્થી કરવાની માંગ કરી હતી.

આ પણ વાંચો: જમ્મુ અને કાશ્મીરમાં આર્ટિકલ 370ના ફેસલા બાદ પાકિસ્તાનમાં હાહાકાર, શેર માર્કેટ ધડામ

Pakistan Ministry of Foreign Affairs statement on Article 370: As the party to this international dispute, Pakistan will exercise all possible options to counter the illegal steps. Pakistan reaffirms its abiding commitment to the Kashmir cause.

— ANI (@ANI) August 5, 2019

કાશ્મીરના હકની લડાઈનો દાવો

પાકિસ્તાનના વિદેશ વિભાગ દ્વારા આ અંગે નિવેદન પણ બહાર પાડવામાં આવ્યું છે. વિદેશ વિભાગ વતી કહેવામાં આવ્યું છે કે કાશ્મીર એક આંતરરાષ્ટ્રીય વિવાદ છે અને પાકિસ્તાન આ ગેરકાયદેસર પગલાનો જવાબ આપવા માટેના દરેક વિકલ્પ પર ધ્યાન આપશે. વિદેશ વિભાગે પણ કાશ્મીરની જનતા અને તેના લોકોનો અવાજ ઉઠાવવાના વચનને પુનરાવર્તિત કર્યું હતું.

India's attempt to further change status of Indian Occupied Jammu & Kashmir is against the resolutions of UNSC & against wishes of the Kashmiri people. Pakistan supports & insists on a peaceful resolution based on wishes of Kashmiri people & stands with them in their hour of need

— The President of Pakistan (@PresOfPakistan) August 5, 2019

કાશ્મીરના લોકોની ઇચ્છા વિરુદ્ધ

પાકિસ્તાનના રાષ્ટ્રપતિ આરિફ અલ્વીની ઓફિસ દ્વારા ટ્વિટર પર એક નિવેદન બહાર પાડવામાં આવ્યું છે. આ નિવેદનમાં કહેવામાં આવ્યું છે કે, "ભારતે જમ્મુ-કાશ્મીરની પરિસ્થિતિમાં પરિવર્તન લાવવાનો પ્રયાસ કર્યો છે અને તે યુએનએસસીની દરખાસ્તો અને કાશ્મીરના લોકોની ઇચ્છા વિરુદ્ધ છે." આ સાથે જ રાષ્ટ્રપતિએ કહ્યું છે કે તેમનો દેશ કાશ્મીરની પ્રજાની ઈચ્છા મુજબ શાંતિપૂર્ણ પ્રસ્તાવને સમર્થન આપે છે. ઉપરાંત, અલવીએ દરેક મુશ્કેલ ક્ષણોમાં તેની સાથે ઉભા રહેવાના વચનનો પુનરોચ્ચાર કર્યો છે.

ઇમરાન ખાને ડોનાલ્ડ ટ્રમ્પ પાસે મદદ માંગી

જમ્મુ-કાશ્મીરના તાજેતરના સંજોગો વચ્ચે પાકિસ્તાનના પીએમ ઇમરાન ખાને રવિવારે ફરી એકવાર અમેરિકન રાષ્ટ્રપતિ ડોનાલ્ડ ટ્રમ્પની મદદ માંગી છે. પાકિસ્તાનના પીએમ ઇમરાને ટ્વિટ કરીને ટ્રમ્પને તેમના વચનની યાદ અપાવી છે. ઇમરાન ખાને લખ્યું, 'રાષ્ટ્રપતિ ટ્રમ્પે વચન આપ્યું હતું કે તેઓ કાશ્મીર મુદ્દે મધ્યસ્થી કરશે. હવે તે સમય આવી ગયો છે જ્યારે ત્યાંની પરિસ્થિતિ વિકટ બની રહી છે અને ભારતીય સૈન્ય પણ એલઓસી પર આક્રમક બની રહ્યા છે. આ એક પ્રાદેશિક સંકટ પેદા કરી શકે છે. ' ઇમરાને યુએનએસસી ડ્રાફ્ટ હેઠળ કાશ્મીર મુદ્દાનો ઉકેલ લાવવા પણ માંગ કરી હતી. આપણે જણાવી દઈએ કે, છેલ્લા કેટલાક દિવસોથી એલઓસીને લઈને ભારત અને પાકિસ્તાન વચ્ચે તનાવ ચાલી રહ્યો છે. ટ્રમ્પે ઈમરાનને 22 જુલાઈએ વ્હાઇટ હાઉસ ખાતે મળ્યા હતા અને અહીં પહેલીવાર તેણે કાશ્મીર કેસમાં મધ્યસ્થીનો ઉલ્લેખ કર્યો હતો.

English summary

Pakistan reaction on article 370 revoked in Jammu Kashmir