Painful Pics! લખનૌમાં 4 છોકરીઓની હાજરીમાં એક વિદ્યાર્થિની સાથે બળાત્કાર

Updated: Friday, August 21, 2015, 18:18 [IST]

લખનઉ: ઉત્તરપ્રદેશની રાજધાની લખનઉમાં બપોરના સમયે જાહેરમાં એક છોકરીનું અપહરણ કરવામાં આવ્યું અને ત્યારબાદ તેની સાથે બળાત્કારની ઘટના સામે આવી છે. બળાત્કાર કર્યા બાદ તેને રોડ પર ફેંકી દેવામાં આવી. છોકરી લોહીલુહાણ અને દર્દથી કણસતી હાલતમાં ઘરે પહોંચી હતી. આપને જાણીને આશ્ચર્ય થશે કે જ્યારે આ છોકરી પર બળાત્કાર થઈ રહ્યો હતો ત્યારે ત્યાં ચાર છોકરીઓ ઉપસ્થિત હતી.

જી હા આ ઘટના ગુરૂવારે લખનઉમાં નિશાતગંજમાં આઠમા ધોરણમાં ભણતી વિદ્યાર્થિની સાથે થઈ છે. અને તમામ હકીકતો ત્યારે બહાર આવી જ્યારે શુક્રવારે FIR પોલીસને સોંપવામાં આવી.

લોહીલુહાણ હાલતમાં છોકરી
બપોરે જ્યારે આ વિદ્યાર્થિની શાળાએથી ઘરે પરત ફરી રહી હતી, ત્યારે બે યુવકો દ્વારા આ બાળકીનું અપહરણ કરવામાં આવ્યું હતુ. બાળકીને દૂર સુમસાન વિસ્તારમાં લઈ જવામાં આવી જ્યાં તેની સાથે દુષ્કર્મ કરવામાં આવ્યું. ગેંગરેપ બાદ તેને રોડ પર ફેંકી દેવામાં આવી. જ્યારે છોકરી ઘરે પહોંચી ત્યારે તે લોહીલુહાણ હાલતમાં હતી.

શુક્રવારે બાળકીના પિતાએ જ્યારે વનઈન્ડીયા સાથે વાતચીત કરી ત્યારે તેમણે કહ્યું કે પાડોશીઓ દ્વારા બાળકીને હોસ્પિટલમાં દાખલ કરવામાં આવી હતી. સાંજે પોલીસ ઘરે આવી હતી અને ઘરેથી કેટલોક સામાન તેમજ મારી દીકરીનો ફોટો પણ લઈ ગઈ છે.

આ કેટલીક તસવીરો છે, જેને જોઈને આપને પણ ધૃણા થઈ જશે એ યુપી સરકાર પ્રત્યે કે જેના પ્રમુખ કહે છે કે ચાર લોકો બળાત્કાર કેવી રીતે કરી શકે, ભૂલ તો બધાંથી થતી હોય છે.