No Fly List: ત્રણ વર્ષમાં 166 મુસાફરો પર ફ્લાઇટમાં બેસવાનો લાગ્યો પ્રતિબંધ, જાણો શું છે નિયમ?

ડિરેક્ટોરેટ જનરલ ઓફ સિવિલ એવિએશન (DGCA) એ 2021 થી અત્યાર સુધીમાં 166 મુસાફરોને 'નો ફ્લાય લિસ્ટ'માં મૂક્યા છે. એટલે કે આ મુસાફરને ચોક્કસ સમયગાળા માટે ઉડાન પર પ્રતિબંધ મુકવામાં આવ્યો છે. રાજ્યસભામાં એક લેખિત જવાબમાં રાજ્યમંત્રી જનરલ વીકે સિંહ (નિવૃત્ત) દ્વારા આ માહિતી આપવામાં આવી હતી.

તમને જણાવી દઈએ કે આ એવા મુસાફરો છે જેઓ શારીરિક, મૌખિક અથવા અન્ય કોઈપણ વાંધાજનક વર્તનને કારણે ફ્લાઇટમાં મુસાફરી કરી રહેલા અન્ય મુસાફરો સાથે ગેરવર્તણૂક કરતા અથવા ફ્લાઇટમાં અવરોધ ઉભો કરતા જોવા મળ્યા છે. જો લિસ્ટમાં નામ હશે તો ફ્લાઈટમાં કોઈ એન્ટ્રી નહીં.

ખરેખર, આ લિસ્ટમાં નામ આવ્યા બાદ તમારી હવાઈ મુસાફરી પર પ્રતિબંધ લાગી શકે છે. આ પ્રતિબંધ થોડા મહિના, દિવસો અથવા અનિશ્ચિત સમય માટે હોઈ શકે છે. પરંતુ, ફ્લાઇટમાં અયોગ્ય વર્તનની ફરિયાદ હોય તો જ આ પ્રતિબંધ લાદવામાં આવે છે.

આ યાદીમાં નામ આવતાની સાથે જ એક સમિતિ તપાસ કરે છે. તપાસ દરમિયાન મુસાફરની હવાઈ મુસાફરી પર પ્રતિબંધ છે. તે જ સમયે, તપાસ સમિતિ 30 દિવસમાં તેનો અહેવાલ આપે પછી આગળની કાર્યવાહી કરવામાં આવે છે.

Directorate General of Civil Aviation (DGCA) has placed 166 passengers in the 'No fly list' from 2021 till date, wherein the unruly passenger is banned from taking flights to/from within India for a specific period: Gen VK Singh (Retd) MoS Civil Aviation in a written reply to… pic.twitter.com/Z7Cy4gm7iN

— ANI (@ANI) August 7, 2023

ત્રણ સ્તરનો હોય છે પ્રતિબંધ

મૌખિક - જો મૌખિક અયોગ્ય વર્તન માટે જવાબદાર જણાય તો તેને ત્રણ મહિના માટે પ્રતિબંધિત કરી શકાય છે.
શારીરિક - બીજી બાજુ, જો ફ્લાઇટમાં શારીરિક અયોગ્ય વર્તન માટે દોષિત ઠરે તો છ મહિના માટે પ્રતિબંધ લાદવામાં આવી શકે છે.
જીવલેણ ધમકીઓ - આવા વર્તન માટે દોષિત ઠેરવવા પર બે વર્ષ કે તેથી વધુની સજા કરવામાં આવે છે.

English summary

No Fly List: 166 passengers were banned from boarding flights in three years, know what is the rule?