MP New CM Mohan Yadav: શિવરાજનું પત્તુ કપાયું, આ નેતા બન્યા મધ્ય પ્રદેશના નવા મુખ્યમંત્રી

Updated: Monday, December 11, 2023, 17:18 [IST]

MP New CM Mohan Yadav: મધ્યપ્રદેશના પાટનગર ભોપાલમાં ભારતીય જનતા પાર્ટીના પ્રદેશ કાર્યાલયમાં ધારાસભ્ય દળની બેઠકમાં નવા મુખ્યમંત્રીના નામની જાહેરાત કરવામાં આવી હતી. દિગ્ગજ નેતા અને નવા ચૂંટાયેલા ધારાસભ્ય મોહન યાદવ આગામી પાંચ વર્ષ માટે મુખ્યમંત્રી રહેશે.

ચૂંટણી જીત્યા બાદ છેલ્લા આઠ દિવસથી મુખ્યમંત્રીના નામને લઈને સસ્પેન્સ હતું. હવે રાજ્યમાં ભાજપ સરકારના વડાનું ચિત્ર સ્પષ્ટ થઈ ગયું છે. મધ્ય પ્રદેશમાં ભાજપ દ્વારા સોમવારના રોજ મુખ્યમંત્રીના નામની જાહેરાત કરવામાં આવી હતી. ભારતીય જનતા પાર્ટીએ મોહન યાદવને રાજ્યના નવા મુખ્યમંત્રી બનાવ્યા છે.

ઉજ્જૈન દક્ષિણ બેઠક પરથી મોહન યાદવે તેમના નજીકના હરીફ કોંગ્રેસના ઉમેદવાર ચેતન પ્રેમનારાયણ યાદવને 12941 મતોથી હરાવ્યા હતા. મોહન યાદવને 95699 વોટ મળ્યા, જ્યારે ચેતન પ્રેમનારાયણ યાદવને 82758 વોટ મળ્યા હતા.

ઉજ્જૈન દક્ષિણ સીટથી ધારાસભ્ય છે મોહન યાદવ - ઉજ્જૈન દક્ષિણ બેઠક પરથી મોહન યાદવે તેમના નજીકના હરીફ કોંગ્રેસના ઉમેદવાર ચેતન પ્રેમનારાયણ યાદવને 12941 મતોથી હરાવ્યા હતા. મોહન યાદવને 95699 વોટ મળ્યા, જ્યારે ચેતન પ્રેમનારાયણ યાદવને 82758 વોટ મળ્યા હતા. તે જાણીતું છે કે, મોહન યાદવ આરએસએસના ખૂબ નજીકના નેતાઓમાંથી એક માનવામાં આવે છે. વર્ષ 2013માં તેઓ પ્રથમ વખત ધારાસભ્ય બન્યા હતા.

બે ડેપ્યુટી મુખ્યમંત્રી બનાવવાનો નિર્ણય - ધારાસભ્ય દળની બેઠકમાં ભારતીય જનતા પાર્ટીએ રાજ્યમાં બે નાયબ મુખ્યમંત્રી બનાવવાનો પણ નિર્ણય લીધો છે. જગદીશ દેવરા અને રાજેશ શુક્લા ડેપ્યુટી સીએમ હશે. આવા સમયે ભારતીય જનતા પાર્ટીએ નરેન્દ્ર સિંહ તોમરને વિધાનસભાના સ્પીકર બનાવવાનો નિર્ણય લીધો છે.

મુખ્યમંત્રી પસંદ કરવાની જવાબદારી - ઉલ્લેખનીય છે કે, રાજ્યમાં પ્રચંડ જીત નોંધાવ્યા પછી, ભાજપે મનોહર લાલ ખટ્ટર, ડૉ. કે. લક્ષ્મણ અને આશા લાકરાને નિરીક્ષક તરીકે મોકલ્યા હતા. આ ત્રણેય નેતાઓને મુખ્યમંત્રીની પસંદગીની જવાબદારી સોંપવામાં આવી હતી. તમામ નિરીક્ષકોની હાજરીમાં ધારાસભ્ય દળની બેઠક યોજાઈ હતી, જેમાં મોહન યાદવના નામને મંજૂરી આપવામાં આવી હતી.