એમપીમાં કોંગ્રેસ વિધાયકની 'સેક્સ સીડી'થી ભૂકંપ

ઇન્દોર, 24 ઓક્ટોબર: મધ્ય પ્રદેશમાં 25 નવેમ્બરના રોજ યોજાનાર વિધાનસભાની ચૂંટણી માટે ટીકિટ મેળવવા અને વિરોધીઓની ટીકિટ કાપવાની ગંદી રાજનીતિ શરૂ થઇ ગઇ છે. મધ્ય પ્રદેશના ઇન્દોર જિલ્લાના દેપાલપુરથી કોગ્રેસ વિધાયક સત્યનારાયણ પટેલની કથિત સેક્સ સીડીએ ઇન્દોરમાં ઉથલપાથલ મચાવી દીધી છે. વાત દિલ્હી સુધી પહોંચી ગઇ છે. વિધાયક સત્યનારાયણ પટેલ સાથે જોડાયેલ કથિત અશ્લિલ સીડીનો મામલો રાજનૈતિક ક્ષેત્રે ચર્ચાનો વિષય બન્યો છે.

વિધાયક પટેલે લગભગ 18 સેકેન્ડવાળી આ કથિત સીડીને એક આવેદનની સાથે પોલીસની સાઇબર સેલ બ્રાંચને સોંપી દીધી છે અને તેની સત્યતા સામે લાવવા માટે અનુરોધ કર્યો છે. પટેલે પત્રકારોને જણાવ્યું કે આ સીડીમાં તેમના હોવાનો દાવો કરવામાં આવી રહ્યો છે. જે સંપૂર્ણપણે અસત્ય છે. તેમણે જણાવ્યું કે કોઇ વ્યક્તિએ કાવતરારૂપે તેમની છબિને ખરાબ કરવાના ઇરાદાથી આ સીડીને બનાવીને તેને સાર્વજનિક કરી છે.

તેમણે શંકા વ્યક્ત કરતા જણાવ્યું કે આગામી વિધાનસભા ચૂંટણીને પગલે તેમની જ પાર્ટીની ટીકિટના કેટલાંક દાવેદારોએ આ સીડીને નકલી રીતે તૈયાર કરાવી છે. તેમણે જણાવ્યું કે પોલીસ તપાસમાં આ સત્યતા સાબિત થઇ જશે.

તેમણે જણાવ્યું કે કોંગ્રેસના જ કેટલાંક નેતા દેપાલપુર વિધાનસભા વિસ્તારથી ચૂંટણી લડવાની તૈયારીમાં છે અને તેમણે આશંકા છે કે આવા જ લોકોએ આ કામ કરાવ્યું હશે. આ કથિત સીડીમાં એક વ્યક્તિ મહિલાની સાથે આપત્તિજનક સ્તિથિમાં જોવા મળી રહ્યો છે.

English summary

After finance minister Raghavji was accused of sodomy by his domestic help, now Congress MLA from Madhya Pradesh Satyanarayan Patel has found himself in a sex scandal, a Daily Bhaskar report said. A CD allegedly featuring Patel of Depalpur has surfaced on Wednesday, putting the MLA and his party in embarrassment ahead of the assembly polls next month.