FDI મુદ્દે મમતાએ મનમોહનને આપ્યું 72 કલાક અલ્ટિમેટમ

નવી દિલ્હી, 15 સપ્ટેમ્બર: કેન્દ્ર સરકાર સખત નિર્ણયો લેવા માટે હંમેશા ઉત્સુક હોય છે. એફડીઆઇના વિરોધમાં અડધો અડધ ભારત જાગી ગયું છે. ટ્રાન્સપોર્ટરો આજે દિલ્હીમાં ચક્કાજામ યોજી રહ્યાં છે. કેન્દ્ર સરકારના તાબડતોડ નિર્ણયથી નારાજ રેલવે મંત્રી મુકુલ રોય આજે દિલ્હીમાં યોજાઇ રહેલી આયોજન પંચની બેઠકમાં જશે નહીં.

કેન્દ્ર સરકારે 24 કલાકમાં મોટા ત્રણ નિર્ણયો લઇ મુસીબત નોંતરી લીધી છે. શુક્રવારે મલ્ટી બ્રાન્ડ માર્કેટમાં 51 ટકા રોકાણને મંજૂર આપી છે. સરકારે એરલાઇન્સ, પ્રસારણ અને પાવર એક્સચેંજમાં પણ એફડીઆઇને લીલી ઝંડી આપી છે. ડીઝલના ભાવવધારા અને રાંઘણગેસમાં કાપ મૂકાતાં ગુસ્સે ભરાયેલા તૃણમૂલ કોંગેસના નેતા મમતા બેનર્જીએ શુક્રવારે સરકારને 72 કલાકમાં ભાવ વધારો પાછો ખેંચવાનું અલ્ટિમેટમ આપી દીધું છે. મુકુલ રોયે સોનિયા ગાંધીના રાજકીય સલાહ સલાહકાર અહમદ પટેલ સાથે વાત કરીને મમતા બેનર્જીનો સંદેશો યુપીએ અધ્યક્ષ સુધી પહોંચાડ્યો હતો.

ડીએમકેના નેતા એમ કરૂણાનિધિએ પણ આ નિર્ણયની ટીકા કરતાં કહ્યું હતું કે ભાવવધારો કરતાં પહેલાં આ મુદ્દે ડીએમકે સાથે કોઇ ચર્ચા વિચારણા કરવામાં આવી નથી. કરૂણાનિધિએ સરકારના યુપીએની સંકલન સમિતિની બેઠક બોલાવવાની માંગણી કરી છે. મનમોહન સરકારને બહારથી સમર્થન પુરૂ પાડતી સમાજવાદી પાર્ટી અને જનતા દળે (એસ) પણ એફડીઆઇ અને ડીઝલ-ગેસ સિલિન્ડર મુદ્દે વિરોધ પ્રગટ કર્યો છે.

English summary

Trinamool Congress chief Mamata Banerjee on Friday attacked the UPA for allowing 51 per cent FDI in multi-brand retail, diesel price hike and capping of the number of subsidised LPG cylinders and threatened to take "hard decisions" if there was no reconsideration of the steps.