મહારાષ્ટ્રમાં ચાર માળની ઈમારત ધરાશાયી, 2ના મોત, 5 લોકો હજુ પણ દબાયા હોવાની આશંકા

મહારાષ્ટ્રના ભિવંડીમાં એક દર્દનાક દૂર્ઘટના બની છે. અહીંના શાંતિ નગર વિસ્તારમાં એક ચાર માળની ઈમારત પડી ગઈ. રાહત અને બચાવ કાર્ય ચાલુ છે. આ દૂર્ઘટનામાં અત્યાર સુધી 5 લોકોને સુરક્ષિત રીતે કાટમાળમાંથી કાઢવામાં આવી ચૂક્યા છે. દૂર્ઘટનામાં ઘાયલ લોકોને પાસેની IGM હોસ્પિટલમાં ભરતી કરવામાં આવ્યા છે. ઈમારતના કાટમાળમાં હજુ પણ 5 લોકો દબાયા હોવાની આશંકા વ્યક્ત કરવામાં આવી રહી છે.

વળી, આ દૂર્ઘટનામાં 2 લોકોના મોત નીપજ્યા છે. એક મૃતકની ઓળખ 28 વર્ષના શિરાજ અન્સારી તરીકે થઈ છે. મોડી રાતે બિલ્ડીંગનું કોલમ ફાટવા લાગ્યુ હતુ. લોકો બિલ્ડીંગ ખાલી કરે તે પહેલા આ દૂર્ઘટના બની ગઈ. લોકોના નીકળતા પહેલા બિલ્ડીંગ પત્તાના મહેલની જેમ ધરાશાયી થઈ ગઈ. પોલિસ અને ફાયર બ્રિગેડ ઘટના સ્થળે પહોંચીને તમામ રાહત અને બચાવ કાર્ય કરી રહ્યા છે.

Maharashtra: A four-storey building collapsed in Shanti Nagar area of Bhiwandi. 4 people have been rescued and several feared trapped. Rescue operations underway. More details awaited. pic.twitter.com/OAExE5STFn

— ANI (@ANI) 23 August 2019

બિલ્ડીંગ છ વર્ષ જૂનુ બતાવવામાં આવી રહ્યુ છે. લોકોને બચાવવાનું કામ ચાલુ છે. તમને જણાવી દઈએ કે થોડા સમય પહેલા જ મુંબઈના ડોંગરી વિસ્તારમાં પણ એક બિલ્ડીંદ ધરાશાયી થઈ જતા 14 લોકોના મોત નીપજ્યા હતા. આ દરમિયાન બચાવ દળે લગભગ 72 કલાક રેસ્ક્યુ ઑપરેશન કરીને 23 લોકોને બિલ્ડીંગના કાટમાળમાં સુરક્ષિત બહાર કાઢ્યા હતા.

English summary

Maharashtra: A four-storey building collapsed in Shanti Nagar area of Bhiwandi.