મધ્ય પ્રદેશઃ 15 ફૂટ ઉંડા બોરવેલમાં પડી 1 વર્ષની બાળકી, શરુ થયુ રેસ્ક્યુ ઑપરેશન

મધ્ય પ્રદેશના છતરપુરમાં ગુરુવારની બપોરે એક વર્ષની બાળકી નજીકના 15 ફૂટ ઉંડા બોરવેલમાં પડવાથી હોબાળો મચી ગયો છે.

Published: Friday, December 17, 2021, 8:14 [IST]

ભોપાલઃ મધ્ય પ્રદેશના છતરપુરમાં ગુરુવારની બપોરે એક વર્ષની બાળકી નજીકના 15 ફૂટ ઉંડા બોરવેલમાં પડવાથી હોબાળો મચી ગયો છે. બાળકીને બહાર કાઢવા માટે ઘટના સ્થળે બચાવ કાર્ય શરુ કરી દેવામાં આવ્યુ છે. જિલ્લા કલેક્ટર સંદીપ જીઆરે ઘટનાની માહિતી આપીને જણાવ્યુ કે રેસ્ક્યુ ઑપરેશન ચાલુ છે. પોલિસ અને પ્રશાસન સાથે સેનાના જવાન ઘટના સ્થળે હાજર છે. બાળકને શ્વાસ લેવા માટે બોરવેલમાં ઑક્સિજન સપ્લાઈ આપવામાં આવી રહી છે.

ઘટના છતરપુર જિલ્લા મુખ્યાલયથી લગભગ 32 કિલોમીટર દૂર નૌગાંવ પોલિસ સ્ટેશન ક્ષેત્રના દોની ગામની છે જ્યાં બપોરે લગભગ 3 વાગે ગ્રામીણ નિવાસી રાકેશ કુશવાહાની બાળકી દિવ્યાંશી પોતાના ખેતરમાં રમતા-રમતા પાસેના જ ખુલ્લા એક બોરવેલમાં પડી ગઈ. લુગાસી પોલિસ સ્ટેશન પ્રભારી અતુલ ઝાના જણાવ્યા મુજબ બાળકી બોરવેલની અંદર લગભગ 15 ફૂટ ઉંડાણમાં ફસાયેલી છે. તેમણે જણાવ્યુ કે બાળકીને બહાર કાઢવા માટે સેના અને સ્થાનિક પોલિસકર્મી રાહત અને બચાવ કાર્ય અભિયાન શરુ કરી ચૂક્યા છે.

અતુલ ઝાએ આગળ કહ્યુ કે બોરવેલ પાસે જ જેસીબીએ એક અન્ય ખાડો ખોદવામાં આવી રહ્યો છે. બાળકીને સુરક્ષિત બહાર કાઢવાની પૂરી કોશિશ કરવામાં આવી રહી છે. બોરવેલમાં ઓક્સિજન સપોર્ટ સાથે એમ્બ્યુલન્સની વ્યવસ્થા પણ કરવામાં આવી છે. બોરવેલ સૂકો છે, આશા રાખીએ છીએ કે અમે જલ્દી બાળકીને બહાર કાઢીશુ. પરિવારે જણાવ્યુ કે બાળકીના અચાનક ગાયબ થઈ ગયા બાદ જ્યારે તેની શોધ કરવામાં આવી તો બોરવેલની અંદર તેના રોવાનો અવાજ સંભળાયો. પહેલા તો પરિવારના લોકોને બાળકીના બહાર કાઢવાની કોશિશ કરી પરંતુ નિષ્ફળ રહ્યા બાદ તરત જ ઘટનાની માહિતી સ્થાનિક પોલિસને આપી. વળી, ઘટનાની માહિતી મળતા જ એસપી અને કલેક્ટર બંને ઘટના સ્થળે પહોંચી ગયા હતા.

Published On December 17, 2021