Lok Sabha Speaker : લોકસભા સ્પીકર ચૂંટણીમાં એનડીએને ઝટકો આપવાની તૈયારીમાં INDIA એલાયન્સ, થઈ શકે છે ખેલા
Lok Sabha Speaker : મોદી-શાહની જોડીનો અહંકાર ઉતારીને જમીન પર લાવ્યા બાદ હવે વિપક્ષ લોકસભા સ્પીકરની ચૂંટણીમાં ખેલા કરવાની તૈયારીમાં છે.
બીજેપી લોકસભા ચૂંટણીમાં બહુમતીથી દૂર રહી છે તેના કારણે ભાજપે માત્ર NDA સાથી પક્ષોને સાથે લઈને ચાલવા સિવાય લોકસભાના અધ્યક્ષ પદ માટે પણ સંઘર્ષ કરવો પડ્યો છે.
મોદી કેબિનેટનું વિભાજન પહેલાથી જ ચર્ચામાં છે, તે દરમિયાન સ્પીકર પદને લઈને ખેંચતાણ શરૂ થઈ ગઈ છે. જ્યારે NDAના ઘટક પક્ષો વચ્ચે સ્પીકર પદને લઈને ચર્ચા ચાલી રહી છે તો બીજી તરફ ઈન્ડિયા એલાયન્સે પણ સ્પીકર માટે પોતાનો ઉમેદવાર ઉતારવાનો નિર્ણય કર્યો છે.
સૂત્રો અનુસાર, વિપક્ષ લોકસભા અધ્યક્ષ પદ માટે પોતાનો દાવો રજૂ કરવાની તૈયારી કરી રહ્યું છે. વિપક્ષો રાહ જોઈ રહ્યા છે કે શાસક પક્ષ સ્પીકર પદ માટે પોતાનો ઉમેદવાર જાહેર કરે, ત્યારબાદ તે પોતાના ઉમેદવારનું નામ પણ જાહેર કરી શકે છે.
હાલમાં સ્પીકર પદને લઈને શાસક પક્ષમાં સર્વસંમતિ નથી, જેના કારણે વિપક્ષ તેનો ફાયદો ઉઠાવવા માંગે છે. જો સર્વસંમતિ વિના સ્પીકરના ઉમેદવારની જાહેરાત કરવામાં આવશે તો વિપક્ષ પણ પોતાના ઉમેદવારને મેદાનમાં ઉતારશે અને તેના પર સર્વસંમતિ સાધવાનો પ્રયાસ કરશે.
આ સિવાય સૂત્રોનું કહેવું છે કે વિપક્ષ ડેપ્યુટી સ્પીકરની માંગ કરી શકે છે. વિપક્ષે ચેતવણી આપી છે કે જો ડેપ્યુટી સ્પીકરનું પદ નહીં મળે તો તે સ્પીકર પદ માટે પોતાના ઉમેદવારને મેદાનમાં ઉતારશે અને ત્યાર બાદ મતદાન દ્વારા જ નિર્ણય લેવામાં આવશે.
નોંધનીય છે કે, 18મી લોકસભાનું પ્રથમ સત્ર 24 જૂને બોલાવવામાં આવશે. આ દરમિયાન નવા સ્પીકરની પસંદગી કરવામાં આવશે. 26 જૂને સ્પીકરની ચૂંટણી યોજાશે. જણાવી દઈએ કે એનડીએ પાસે 293 સીટો છે જ્યારે વિપક્ષ એટલે કે ઈન્ડિયા એલાયન્સ પાસે 234 સીટો છે.
Click it and Unblock the Notifications
Sign in with Google
