Lok Sabha Election 2024 : બિહારમાં કઈ પાર્ટીને કેટલી સીટ? જાણો લેટેસ્ટ એબીપી-સી વોટર સર્વે

લોકસભા ચૂંટણી 2024 ના પરિણામોમાં બિહાર મોટો ફાળો ભજવવા જઈ રહ્યું છે. એક તરફ પલ્ટુરામ નીતિશ કુમાર અને બીજેપી છે તો બીજી તરફ ઈન્ડિયા ગઠબંધન છે.

એનડીએ અને ઈન્ડિયા ગઠબંધન વચ્ચેની આ ટક્કર વચ્ચે એબીપી-સી વોટરનો લેટેસ્ટ ઓપિનિયન પોલ સામે આવ્યો છે. આ પોલમાં બિહારમાં ચૌકાવનારા પરિણામો જોવા મળી રહ્યા છે.

બિહારમાં એનડીએ પાંચ પક્ષો સાથે ચૂંટણી લડી રહી છે તો બીજી તરફ ઈન્ડિયા એલાયન્સમાં મુખ્ય ચાર પક્ષો સાથે મળીને ચૂંટણી લડી રહ્યા છે.

સી વોટરે એબીપી ન્યૂઝ માટે ઓપિનિયન પોલ કરાવ્યો છે. આ ઓપિનિયન પોલમાં એવું લાગી રહ્યું છે કે એનડીએને લીડ મળી રહી છે પરંતુ કેટલીક સીટો ગુમાવી રહી છે
મહાગઠબંધનને વધુ લીડ નથી મળી રહી પરંતુ આ વખતે તે અગાઉની ચૂંટણીઓ કરતા ચોક્કસ વધારે બેઠકો મળી રહી છે.

બિહારમાં સીટોને લઈને સી-વોટરના ઓપિનિયન પોલમાં NDAને 33 સીટો મળી રહી છે જ્યારે ઈન્ડિયા ગઠબંધનને સાત સીટો મળી રહી છે. આ સિવાય અન્ય પક્ષો અને અપક્ષ ઉમેદવારોને એકપણ બેઠક મળી રહી નથી.

આ પરિણામમાં એનડીએને કેટલીક સીટો પર હાર દેખાઈ રહી છે અને મહાગઠબંધનને કેટલીક સીટો પર ફાયદો થતો જોવા મળી રહ્યો છે.

કોને કેટલી સીટો?
એનડીએ - 33
ઈન્ડિયા એલાયન્સ - 7
અન્ય - 0

11 માર્ચથી 12 એપ્રિલ સુધી કરવામાં આવેલા આ સર્વેમાં 57 હજાર 566 લોકોના મંતવ્યો લેવામાં આવ્યા હતા. તમામ 543 સીટો પર સર્વે કરવામાં આવ્યો છે. સર્વેમાં ભૂલનું માર્જિન વત્તા માઈનસ 3 થી પ્લસ માઈનસ 5 ટકા છે.

English summary

Lok Sabha Election 2024 : How many seats for which party in Bihar? Know the latest ABP-C water survey