આપત્તિજનક સ્થિતિમાં કપલ મળતા ભીડે હુમલો કર્યો, નિર્વસ્ત્ર કરી ગામમાં ફેરવ્યા

ઝારખંડના દુમકામાં એક છોકરા-છોકરીને ગામલોકો દ્વારા બહુ ખરાબ રીતે મારવામાં આવ્યા અને તેમને નિર્વસ્ત્ર કરીને તેમની પરેડ પણ કરાવવામાં આવી.

Published: Friday, June 21, 2019, 9:56 [IST]

ઝારખંડના દુમકામાં એક છોકરા-છોકરીને ગામલોકો દ્વારા બહુ ખરાબ રીતે મારવામાં આવ્યા અને તેમને નિર્વસ્ત્ર કરીને તેમની પરેડ પણ કરાવવામાં આવી. આ કપલ ખરાબ સ્થિતિમાં જોવા મળ્યુ હતુ. બંનેને સરૈયાહા પોલિસ સ્ટેશન લાવવામાં આવ્યા. દુમકાના એસપી વાયએસ રમેશે ન્યૂઝ એજન્સી એએનઆઈ સાથે વાતચીતમાં કહ્યુ કે તપાસમાં અમને ઘટનાનો એક વીડિયો મળ્યો છે. બંનેને આપત્તિજનક સ્થિતિમાં જોઈને ભીડે તેમની પર હુમલો કરી દીધો હતો.

તેમણે જણાવ્યુ કે પીડિત જોડાને સુરક્ષા આપવામાં આવી છે અને આરોપીઓને પોક્સો એક્ટ હેઠળ જેલમાં મોકલી દેવામાં આવ્યા છે. તેમણે આગળ જણાવ્યુ કે આ કેસમાં તપાસ માટે એસડીઓએ ગામમાં એક કેમ્પ સેટ કર્યો છે જે હેઠળ વીડિયોમાં દેખાઈ રહેલ આરોપીઓ સામે એક્શન લેવામાં આવશે.

આ ઉપરાંત આ ગંભીર ઘટના પર ગામલોકોની પ્રતિક્રિયા વિશે રમેશે કહ્યુ કે છોકરો અને છોકરીને આ બધાથી બચાવવા માટે ગામલોકોએ આગળ આવવુ જોઈતુ હતુ કારણકે આ તેમની સામાજિક જવાબદારી છે. આ જ કારણ છે કે અમે તેમને એફઆઈઆર નોંધાવવા માટે કહ્યુ. જો કે આ સમગ્ર ઘટનાક્રમની પાછળનું કારણ હજુ સુધી માલુમ પડી શક્યુ નથી.

Published On June 21, 2019