J&K Encounter: જમ્મુ કાશ્મીરના શોપિયાંમાં એનકાઉન્ટર, જૈશ-એ-મોહમ્મદનો એક આતંકી ઠાર મરાયો, ઑપરેશન ચાલુ

જમ્મુ-કાશ્મીરના શોપિયાંના કેપરિન વિસ્તારમાં એક વાર ફરીથી શુક્રવારે સવારે આતંકવાદીઓ અને સુરક્ષાબળો વચ્ચે અથડામણ શરુ થઈ ગઈ.

Jammu and Kashmir Shopian Encounter: જમ્મુ-કાશ્મીરના શોપિયાંના કાપરેન વિસ્તારમાં એક વાર ફરીથી શુક્રવારે સવારે આતંકવાદીઓ અને સુરક્ષાબળો વચ્ચે અથડામણ શરુ થઈ ગઈ. જમ્મુ-કાશ્મીર પોલીસના જણાવ્યા મુજબ એનકાઉન્ટરમાં જૈશ-એ-મોહમ્મદના એક આતંકીને સુરક્ષાબળોએ ઠાર માર્યો છે. પોલીસ અને સેના બંને એક સાથે જોઈન્ટ ઑપરેશન કરીને આતંકીઓને જડબાતોડ જવાબ આપી રહ્યા છે. સુરક્ષાબળોને વિસ્તારમાં અમુક આતંકીઓ હોવાની સૂચના મળી હતી, ત્યારબાદ સર્ચ અભિયાન ચલાવીને આતંકીઓને ઘેરવામાં આવ્યા હતા.

જમ્મુ-કાશ્મીર પોલીસે માહિતી આપી છે કે જૈશ-એ-મોહમ્મદના આતંકવાદી સંગઠનનો એક સભ્ય માર્યો ગયો છે. માર્યા ગયેલા આતંકવાદીની ઓળખ કામરાન ભાઈ ઉર્ફે હનીસ તરીકે થઈ છે. આ આતંકવાદી કુલગામ-શોપિયાં વિસ્તારમાં સક્રિય હતો. હાલમાં સેના અને પોલીસ મળીને સર્ચ ઓપરેશન ચાલુ રાખશે.

તમને જણાવી દઈએ કે આ પહેલા 1 નવેમ્બરના રોજ જમ્મુ-કાશ્મીરના પુલવામા અને અનંતનાગ જિલ્લામાં બે અલગ-અલગ એન્કાઉન્ટરની ઘટનાઓ સામે આવી હતી. આ બંને સ્થળોએ થયેલી અથડામણમાં સુરક્ષા દળોએ ચાર આતંકવાદીઓને ઠાર માર્યા હતા. આ ઑપરેશનમાં સેનાની સાથે જમ્મુ-કાશ્મીરની પોલીસ પણ સામેલ હતી. ઉલ્લેખનીય છે કે સેના અને કાશ્મીર ઝોનની પોલીસ છેલ્લા ઘણા મહિનાઓથી ઘાટીમાં આતંકવાદીઓ વિરુદ્ધ સંયુક્ત ઑપરેશન હેઠળ કાર્યવાહી કરી રહી છે.

#Encounter has started at Kapren area of #Shopian. Police and Army are on the job. Further details shall follow.@JmuKmrPolice

— Kashmir Zone Police (@KashmirPolice) November 11, 2022

English summary

Jammu and Kashmir: Encounter at Kapren area of Shopian, Police and Army operation is on.