મહારાષ્ટ્રમાં સામે આવ્યા નવા 2 ઓમિક્રોનના મામલા, ભારતમાં કુલ મામલા વધીને થયા 23

દેશમાં ઓમિક્રોન વેરિઅન્ટના કેસમાં સતત વધારો થઈ રહ્યો છે. મહારાષ્ટ્રમાં ઓમિક્રોનના બે નવા કેસ નોંધાયા છે. તાજેતરમાં દક્ષિણ આફ્રિકાથી પરત આવેલા 37 વર્ષીય વ્યક્તિ અને યુએસથી પરત આવેલા તેના 36 વર્ષીય મિત્ર બંનેમાં ઓમિક્રોનના લક્ષણો જોવા મળ્યા છે. જો કે બંને દર્દીઓ એસિમ્પટમેટિક છે અને બંનેએ ફાઈઝર રસી લીધી છે. અત્યાર સુધીમાં આ બે લોકોના સંપર્કમાં આવેલા 5 હાઈ-રિસ્ક અને 315 ઓછા જોખમવાળા લોકોને ટ્રેસ કરવામાં આવ્યા છે અને વધુ લોકોની શોધ કરવામાં આવી રહી છે. આ સાથે રાજ્યમાં ઓમિક્રોન કેસની કુલ સંખ્યા વધીને 10 થઈ ગઈ છે.

મુંબઈમાં કોરોનાના 168 નવા કેસ સામે આવ્યા

રાજધાની મુંબઈમાં છેલ્લા 24 કલાકમાં કોરોનાના 168 નવા કેસ નોંધાયા છે, જ્યારે આ સમયગાળા દરમિયાન બે કોરોના સંક્રમિતોના મોત થયા છે. નવા કેસ સાથે, રાજ્યમાં કોરોનાના કુલ કેસ વધીને 7,64,003 થઈ ગયા છે, જ્યારે મૃત્યુઆંક 16,351 પર પહોંચી ગયો છે.

ભારતમાં ઓમિક્રોનના કેસ વધીને 23 થયા

દેશમાં ઓમિક્રોન વેરિઅન્ટ ઝડપથી ફેલાઈ રહ્યું છે ભારતમાં અત્યાર સુધીમાં ઓમિક્રોન વેરિઅન્ટના 23 કેસની પુષ્ટિ થઈ છે. રવિવારે દેશમાં ઓમિક્રોનના 17 નવા કેસ મળી આવ્યાહતા, જેમાંથી 9 કેસ જયપુરના અને સાત કેસ મહારાષ્ટ્રના પુણે જિલ્લાના હતા, જ્યારે એક કેસ દિલ્હીનો હતો. ભારતમાં ઓમિક્રોનથી સંક્રમિત જોવા મળેલા મોટાભાગના લોકો કાં તો આફ્રિકન દેશોની મુસાફરી કરીને પાછા ફર્યા છે અથવા તેઓ આવા લોકોના સંપર્કમાં આવ્યા છે. જયપુરમાં ઓમિક્રોનથી સંક્રમિત મળી આવેલા 9 લોકોમાંથી ચાર એક જ પરિવારના સભ્યો છે, જેઓ તાજેતરમાં દક્ષિણ આફ્રિકાથી પરત ફર્યા હતા.

કર્ણાટકમાં મળ્યો હતો પ્રથમ મામલો

તમને જણાવી દઈએ કે ભારતમાં ઓમિક્રોનનો પહેલો કેસ ગુરુવારે કર્ણાટકમાં મળ્યો હતો. શનિવારે, ગુજરાતના 72 વર્ષીય એનઆરઆઈ અને મહારાષ્ટ્રના 33 વર્ષીય પુરુષને ઓમિક્રોન વેરિઅન્ટથી ચેપ લાગ્યો હતો. વર્લ્ડ હેલ્થ ઓર્ગેનાઈઝેશને આ વેરિઅન્ટને વોચ લિસ્ટમાં રાખ્યું છે. જો કે આ વેરિઅન્ટ કેટલું ખતરનાક છે તેના પર હાલમાં અભ્યાસ ચાલી રહ્યો છે.

English summary

In Maharashtra, 2 new cases of Omicron were reported, while in India, the total number of cases increased to 23