સરકાર બનતા જ કર્ણાટકમાં સિદ્ધારમૈયા એક્શનમાં, તમામ વિભાગોના નાણાં પર રોક લગાવાઈ

કર્ણાટકમાં કોંગ્રેસની સરકાર બનતા જ મુખ્યમંત્રી સિદ્ધારમૈયા એક્શનમાં જોવા મળી રહી છે. પહેલા કરેલા વાયદાઓ પુરા કર્યા બાદ હવે સરકારે વિવિધ વિભાગોને જુની સરકાર દ્વારા જારી કરાયેલા નાણાં પર રોક લગાવી દીધી છે.

સિદ્ધારમૈયા સરકાર શપથ લેતા જ એક્શનમાં છે. એક પછી એક મોટા નિર્ણયો લેવાઈ રહ્યા છે ત્યારે સૌથી પહેલા આ સરકારે કરેલા 5 વચનો પૂરા કર્યા છે. હવે સિદ્ધારમૈયા સરકારે અગાઉની સરકાર દ્વારા કોઈપણ વિભાગને જાહેર કરાયેલા ભંડોળ પર રોક લગાવી દીધી છે.

અહેવાલો અનુસાર, સિદ્ધારમૈયાએ બોર્ડ અને નિગમ સહિત તમામ વિભાગોને અગાઉની સરકાર દ્વારા આપવામાં આવેલા તમામ બાકી કામ, ભંડોળ ફાળવવા અને કોઈપણ વિભાગને ચૂકવણી અટકાવવાના આદેશ આપ્યા છે. સિદ્ધારમૈયા સરકાર એક્શનમાં આવતા જ બીજેપીના ભ્રષ્ટ નેતાઓમાં ખલબલીનો માહોલ છે.

અગાઉની બીજેપી સરકારને ઉખાડીને સત્તામાં આવ્યા પછી કોંગ્રેસની આગેવાની હેઠળની સિદ્ધારમૈયા સરકારે પહેલા જ અગાઉની સરકાર દ્વારા જાહેર કરાયેલા અને કામ શરૂ ન થયુ હોય તેવા પ્રોજેક્ટ પર રોક લગાવી છે.

અહીં તમને જણાવી દઈએ કે, કર્ણાટક વિધાનસભા ચૂંટણીમં કોંગ્રેસે 135 બેઠકો સાથે જીત મેળવી છે અને સિદ્ધારમૈયાએ ફરી એકવાર મુખ્યમંત્રી પદના શપથ લીધા છે. સરકાર બનતા જ સૌથી પહેલા 5 વાયદાઓ પુરા કર્યા છે.

English summary

In Karnataka, Siddaramaiah froze the finances of all departments