પહેલા મુસ્લિમોનું હિત, પછી સરકારઃ મુલાયમ સિંહ

લખનઉ, 18 માર્ચઃ સમાજવાદી પાર્ટીના પ્રમુખ મુલાયમ સિંહ યાદવે કહ્યું છે કે ઉત્તર પ્રદેશ સરકાર મુસલમાનો સાથે અન્યાય નહીં થવા દે. સરકાર ટૂંક સમયમાં નિર્દોષ લોકો વિરુદ્ધ દાખલ તમામ કેસ પરત લેશે. રાજધાની ગોલાગંજ સ્થિત રિફાહે આમ ક્લબ મેદાનમાં આયોજિત જમિયત-ઉલેમાના જલસામાં મુલાયમ સિંહ યાદવે કહ્યું કે અમારા માટે મુસલમાનોનું હિત સર્વોપરી છે.

સમાજવાદી પાર્ટીની સરકાર મુસલમાનો સાથે અન્યાય થવા નહીં દે. તેમણે કહ્યું કે, ટૂંક સમયમાં આતંકવાદી ગતિવિધિઓમાં સામેલ હોવાના આરોપમાં જેલમાં બંદ તમામ નિર્દોષો છૂટી જશે અને સરકાર નિર્દોષ લોકો વિરુદ્ધ દાખલ તમામ કેસોને પરત લેશે. સપા મુખિયાના સંબોધન દરમિયાન જ જલસામાં પૂર્વ મંત્રી રઘુરાજ પ્રતાપ સિંહ ઉર્પે રાજા ભૈયાની ધરપકડ કરોના સૂત્રો ગુંજતા રહ્યા.

જલાસમાં ભીડે કુંડાના સીઓ રહેલા જિયા ઉલ હકની હત્યા મામલે રાજા ભૈયા વિરુદ્ધ જોરદાર સૂત્રોચ્ચાર કર્યા સાથે જ તેમની ધરપકડ કરવામાં આવે તેવી માંગ પણ કરી. નોંધનીય છે કે કુંડા સીઓ જિયા ઉલ હકની ડ્યૂટી દરમિયાન ગોળી મારીને હત્યા કરવામાં આવી હતી. શહીદ સીઓની પત્ની પરવીન આઝાદે બાહુબલી નેતા રઘુરાજ પ્રતાપ સિંહ ઉર્ફે રાજા ભૈયા પર હત્યાનું ષડયંત્રનો આરોપ મુક્યો હતો. ત્યારબાદ રાજા ભૈયાને મંત્રી પદેથી રાજીનામું આપવું પડ્યું હતું. જો કે, આ મામલાની તપાસ સીબીઆઇ દ્વારા કરવામાં આવી રહી છે.

English summary

A day after Shahi Imam of Jama Masjid, Syed Ahmed Bukhari severed ties with the SP saying Muslims were completely neglected in one year of its rule, the SP chief clarified, he was, is and will remain sensitive to the demands and needs of Muslims.