'સેક્સી રાધા' ગીત પર ભડક્યાં સુષ્મા, સંસદમાં ઉઠાવશે સવાલ

Updated: Thursday, November 8, 2012, 16:10 [IST]

નવી દિલ્હી, 8 નવેમ્બર: કરણ જોહરની તાજેતરમાં રીલિઝ થયેલી ફિલ્મ 'સ્ટૂડેન્ટ ઓફ ધ યર' વિવાદોમાંથી બહાર નથી આવી રહી. જેનું કારણ છે રાધાને એક ગીતમાં સેક્સી કહેવું. આ ગીત પર હવે ભાજપાની વરિષ્ઠ નેતા સુષમા સ્વરાજે વાંધો ઉઠાવ્યો છે. તેમણે જણાવ્યું કે ગીતમાં રાધાને સેક્સી કહી હિન્દુઓની ભાવનાઓને ઠેસ પહોંચાડી છે.

જાણકારી અનુસાર સુષ્મા હાલમાં જ રીલિઝ થયેલી ફિલ્મ 'ઓહ માય ગોડ' ને લઇને પણ નારાજ છે. સુષ્માએ જણાવ્યું કે તેમની માન્યતા સાથે સહમતિ દર્શાવનાર લોકોની સાથે તેઓ આ મુદ્દાને સંસદમાં પણ રજૂ કરશે. દિલ્હીમાં સંઘના કાર્યક્રમમાં સુષ્માએ જણાવ્યું કે આ બંને ફિલ્મમાં હિન્દુઓની લાગણી સાથે ચેડા કરવામાં આવ્યા છે.

સુષ્માએ વાંધો ઉઠાવતા જણાવ્યું હતું કે 'એવું કેમ થાય છે કે ફિલ્મોના ગીતોમાં માત્ર હિન્દુ દેવતાઓનું જ નામ આવે છે, ખબર નથી કેમ લોકો સીતા, રાધા, કૌશલ્યા વગેરેના નામનો જ ઉપયોગ કરે છે? હમેંશા તેમના નામનો ઉપયોગ ખરાબ અર્થમાં જ કરવામાં આવે છે. તેમણે જણાવ્યું કે હું આ મુદ્દાને સંસદમાં ઉઠાવીસ અને આ ખરાબ પરંપરાને રોકવાની કોશિશ કરીશ.'

ઉલ્લેખનીય છે વિઝન સોશિયલ ઇમ્પાવરમેન્ટ એન્ડ વેલફેર એસોસિએશનના સચિવ મનીષ વિશ્નોઇ તેમજ નિલેશ જયસવાલની સામે કેસ દાખલ કરવાની માંગ કરવામાં આવી હતી. અરજીમાં જણાવ્યું હતું કે ફિલ્મના નિર્માણકારો આર્થિક લાભ કરવા માટે રાધા-કૃષ્ણના નામનો ખોટો ઉપયોગ કરી તેમની પ્રત્યે અભદ્ર શબ્દોનો ઉપયોગ કરે છે.