હિમાચલમાં ચૂંટણી પ્રચારનો આજે છેલ્લો દિવસ

સિમલા, 2 નવેમ્બર: હિમાચલમાં ચૂંટણી પ્રચાર માટેનો આજે અંતિમ દિવસ છે. સાંજે પાંચ વાગ્યાથી ચૂંટણી પ્રચાર બંધ થઇ જશે. આ પહેલાં ગુરૂવારે બધા રાજકીય દળોએ પ્રચારમાં પોતાની પુરી તાકાત લગાવી દિધી છે.

લાલકૃષ્ણ અડવાણીએ સિમલામાં ગુરૂવારે કહ્યું હતું કે યૂપીએ સરકારના શાસન દરમિયાન કૌંભાડોના કારણે દેશની છાપ બગડી છે. અરૂણ જેટલીએ કુલ્લૂમાં એક ચૂંટણી રેલી દરમિયાન કેન્દ્ર સરકાર પર આકરા પ્રહારો કર્યા હતા. બીજી તરફ સિમલામાં કોંગ્રેસ નેતા અને હિમાચલના પૂર્વ મુખ્યમંત્રી વીરભદ્ર સિંહે ભાજપની ધૂમલ સરકારને કોસી હતી. વીરભદ્રએ કહ્યું હતું કે ભાજપ સરકારના પાંચ વર્ષના શાસન દરમિયાન હિમાચલનો વિકાસ અટકી ગયો છે.

હિમાચલ વિધાનસભામાં કુલ 68 સીટો માટે ચાર નવેમ્બરે મતદાન થશે. 7253 પોલીંગ બૂથો પર મતદાન થશે. મતદાન માટે સઘન સુરક્ષા વ્યવસ્થા ગોઠવવામાં આવી છે. હિમાચલ પ્રદેશમાં ચૂંટણીના પરિણામો 20 ડિસેમ્બર જાહેર થશે.

English summary

Top leaders from the Congress and ruling BJP will put their best foot forward in convincing the voters in this hilly state as campaigning ends on Friday for the crucial Assembly elections scheduled for Sunday.