હુડાઃ હરિયાણામા સારી સરકાર બનાવવા માટે સાથે આવે કોંગ્રેસ, જેજેપી, ઈનેલો અને અપક્ષ

હરિયાણાના પૂર્વ સીએમ ભૂપેન્દ્ર સિંહ હુડાએ કહ્યુ છે કે હરિયાણામાં ભાજપ સામે બધા પક્ષોએ એકસાથે આવવુ જોઈએ. રોહતકમાં હુડાએ કહ્યુ કે ભાજપને સત્તામાંથી બહાર રાખવી જરૂરી છે. એવામાં આ સમય કોંગ્રેસ, જનનાયક જનતા પાર્ટી, ઈન્ડિયન નેશનલ લોકદળ અને જીતીને આવેલા અપક્ષ ધારાસભ્યોએ સાથે આવવુ જોઈએ. હુડાએ કહ્યુ કે બધાએ મળીને હરિયાણાને એક મજબૂત કરીને સરકાર આપવી જોઈએ અને ભાજપને સત્તામાંથી દૂર કરવુ જોઈએ. હરિયાણા કોંગ્રેસ ચૂંટણી પ્રચાર સમિતિના પ્રમુખ હુડાએ બીજી પાર્ટીઓ અને અપક્ષોને સાથે આવવાનુ આમં6ણ આપતા કહ્યુ કે હું બધાને ભરોસો અપાવુ છુ, બધાનુ સમ્માન થશે અને પદ પણ મળશે. દીપેન્દ્ર હુડાએ પણ બધી પાર્ટીઓને કોંગ્રેસ સાથે આવવાનુ આમંત્રણ આપ્યુ છે. દીપેન્દ્રએ કહ્યુ કે હું અપક્ષો અને દુષ્યંત ચૌટાલા સાથે વાત કરીશ.

હરિયાણાની બધી 90 સીટો પર 21 ઓક્ટોબરે મત આપવામાં આવ્યા હતા. આજે મતગણતરી થઈ રહી છે જેનાથી સ્થિતિ લગભગ સ્પષ્ટ થઈ ગઈ છે. રાજ્યની 90 સીટો પર ભાજપ 37, કોંગ્રેસ 35, જેજેપી 10 અને અન્ય 8 સીટો પર આગળ છે. બહુમતના આંકડા એટલે કે 46 સીટો સુધી કોઈ પાર્ટી પહોંચી શકે તેમ લાગતુ નથી. એવામાં માનવામાં આવી રહ્યુ છે કે અપક્ષો અને નાના પાર્ટીઓ મોટી ભૂમિકા સરકાર બનાવવામાં રહેશે. એવામાં કોંગ્રેસે બધાને પોતાની સાથે આવવા માટે આમંત્રણ આપ્યુ છે.

જિંદ જિલ્લાન ઉચાના કલાં વિધાનસભા સીટથી ધારાસભ્ય ચૂંટાઈને આવેલા જેજેપી નેતા દુષ્યંત ચૌટાલાએ કહ્યુ છે કે રાજ્યની સત્તાની ચાવી તેમની પાર્ટી પાસે રહેશે કારણકે કોંગ્રેસ કે ભાજપ 40 સીટો પાર કરી શકી નથી માટે તે કિંગમેકર બનશે. હરિયાણાની 90 અને મહારાષ્ટ્રની 288 વિધાનસભા સીટો પર આજે મતગણતરી થઈ રહી છે. આ સાથે 17 રાજ્યોની 51 વિધાનસભા સીટો માટે થયેલી પેટાચૂંટણી અને બે લોકસભા સીટોના મતોની ગણતરી થઈ ગઈ છે. આ બે લોકસભા સીટોમાં બિહારની સમસ્તીપુર લોકસભા સીટ અને મહારાષ્ટ્રની સોલાપુર લોકસભા સીટ છે.

English summary

haryana election results 2019 BS Hooda says Congress JJP INLD independent come together to form govt