Haryana Assembly Election 2024 Voting: હરિયાણા ચૂંટણીના મતદાન પહેલા જાણો કઈ પાર્ટી કેટલી મજબુત?

Haryana Assembly Election 2024 Voting: આવતીકાલે એટલે કે 5 ઓક્ટોબરના રોજ હરિયાણા વિધાનસભા ચૂંટણી 2024 માટે સવારે 7 કલાકથી મતદાન શરૂ થશે. જેની મત ગણતરી 8 ઓક્ટોબરના રોજ યોજાશે. આ વચ્ચે તમામ રાજકીય પક્ષો પોતાની જીતનો દાવો કરી રહ્યા છે.

હાલ દરેકના મનમાં એક જ સવાલ છે કે, હરિયાણામાં આ વખતે કોની સરકાર બનવા જઈ રહી છે? ભાજપ સતત ત્રીજી વખત સરકાર બનાવશે કે, કોંગ્રેસની સત્તા પર વાપસી થઈ રહી છે? 5 ઓક્ટોબરના રોજ મતદાન યોજાય તે પહેલા ઘણા મીડિયા રિપોર્ટ્સમાં કોંગ્રેસની સ્થિતિ નબળી હોવાનું જણાવી રહ્યા છે.

દૈનિક ભાસ્કરની ટીમે સામાન્ય લોકો, રાજકીય પક્ષો અને રાજકીય નિષ્ણાતો સાથે વાત કરીને તારણ કાઢ્યું છે કે, મતદાનના બે દિવસ પહેલા સુધી કોંગ્રેસ 40થી 50 બેઠકો પર અને ભાજપ 22થી 32 બેઠકો પર મજબૂત દેખાઈ રહી છે. જોકે, મૂક મતદારો પણ આ આંકડોમાં અસર શકે છે.

કયો પક્ષ કેટલી બેઠકો પર મજબૂત?
કોંગ્રેસ - 40 - 50 બેઠકો
ભાજપ - 22 - 32 બેઠકો
INLD - BSP - 4 - 9 બેઠકો
AAP - 0 - 1
જેજેપી - એએસપી - 0 - 1
અત્રે ઉલ્લેખનીય બાબત છે કે, 18 બેઠકો પર નજીક હરીફાઈ જોવા મળી શકે છે. હરિયાણા ચૂંટણી 2024માં ભાજપ-કોંગ્રેસની જીત છેલ્લી ક્ષણે મુક મતદાતાઓ કઈ તરફ જાય છે, તેના પર પણ નિર્ભર રહેશે.

આ સાથે એ પણ જોવાનું રહેશે કે, જાટ-દલિત મતો વિભાજિત થાય કે નહીં. સમગ્ર હરિયાણાની 90 બેઠકોમાંથી દોઢ ડઝન બેઠકો એવી છે કે જ્યાં કાંટાની ટક્કર જોવા મળી રહી છે.

90 બેઠકો પર 1031 ઉમેદવારો લડી રહ્યા છે હરિયાણા વિધાનસભા ચૂંટણી

15મી હરિયાણા વિધાનસભા માટે સવારે 7 વાગ્યાથી સાંજે 6 વાગ્યા સુધી મતદાન થશે. વર્ષ 2024ની વિધાનસભા ચૂંટણીમાં તમામ 90 બેઠકો પર 1031 ઉમેદવારો મેદાનમાં છે. તેમાંથી 930 પુરૂષ અને 101 મહિલા ઉમેદવારો છે. જ્યારે 464 અપક્ષ ઉમેદવારો છે.

હરિયાણા વિધાનસભા ચૂંટણી 2024માં કુલ 20 હજાર 629 મતદાન મથકો પર 2 કરોડ 03 લાખ 54 હજાર 350 મતદારો પોતાનો મત આપી શકશે. તમામ કેન્દ્રો પર ચુસ્ત સુરક્ષા વ્યવસ્થા ગોઠવવામાં આવી છે.

સમગ્ર રાજ્યમાં સુરક્ષા દળોની 225 કંપનીઓ તૈનાત કરવામાં આવી છે. 30 હજાર પોલીસકર્મી, 21 હજારથી વધુ હોમગાર્ડ, 11 હજાર એસપીઓ તૈનાત કરવામાં આવ્યા છે. તમામ મતદાન મથકો પર સીસીટીવી કેમેરા લગાવવામાં આવ્યા છે.

હરિયાણાના મુખ્ય ચૂંટણી અધિકારી (CEO) પંકજ અગ્રવાલે જણાવ્યું હતું કે, તમામ રાજકીય પક્ષો અને ચૂંટણી લડતા ઉમેદવારોને ચૂંટણી આચાર સંહિતાનું પાલન કરવા અને શાંતિપૂર્ણ અને ન્યાયી મતદાન સુનિશ્ચિત કરવા સૂચના આપવામાં આવી છે.

English summary

Haryana Assembly Election 2024 Voting: Voting in Haryana election, know which party is strong in which seat?