'ડંકીના રસ્તે અમેરિકા પહોંચ્યો, 10 દિવસ સુધી મેક્સિકોમાં માફિયાઓ બંધક બનાવ્યો', હરપ્રીતની આપવીતી

અમેરિકામાં ડોનાલ્ડ ટ્રમ્પ સત્તામાં આવ્યા બાદ ગેરકાયદેસર ઇમિગ્રન્ટ્સ સામે કાર્યવાહી વધુ તીવ્ર બની છે. 20 જાન્યુઆરી, 2025 ના રોજ શપથ લીધા પછી ટ્રમ્પ વહીવટીતંત્રે ભારતીય ઇમિગ્રન્ટ્સને અમેરિકામાંથી દેશનિકાલ કરવાનું શરૂ કરી દીધું છે. 5 ફેબ્રુઆરી 2025ના રોજ 104 ભારતીયોને અમેરિકામાંથી દેશનિકાલ કરવામાં આવ્યા.

ખાસ વાત એ છે કે બધા ભારતીયોને અમેરિકી લશ્કરી વિમાન (C-17)માં સાંકળ અને હાથકડી પહેરાવીને અમૃતસર એરપોર્ટ પર ઉતારવામાં આવ્યા હતા. તેમાં 79 પુરુષો અને 25 મહિલાઓ હતી. એવું કહેવામાં આવી રહ્યું છે કે આમાં ઘણા બાળકો પણ સામેલ હતા. તેમાંથી એક હરપ્રીત સિંહ લાલિયા જે નાગપુર પહોંચ્યા હતા, તેમણે તેમની 'ડંકી' યાત્રાની અગ્નિપરીક્ષા વર્ણવી જે અત્યંત ડરામણી હતી.

50 લાખ ખર્ચીને પહોંચ્યો હતો અમેરિકા

હરપ્રીત સિંહ લાલિયા કેનેડા જવા માંગતા હતા, પરંતુ એજન્ટની ભૂલને કારણે તેમને અમેરિકાની ખતરનાક મુસાફરી કરવી પડી. ૫૦ લાખ રૂપિયા ખર્ચ કર્યા પછી પણ તે ખાલી હાથે પાછો ફર્યો. મહિનાઓ સુધી ચાલેલી તેમની યાત્રા દરમિયાન તેમને પગપાળા મુશ્કેલ મુસાફરી સહન કરવી પડી અને મેક્સીકન માફિયા દ્વારા તેમને 10 દિવસ માટે કેદ પણ કરવામાં આવ્યા.

મેક્સિકો થઈને અમેરિકા લઈ જવાયો

લાલિયાએ કહ્યું કે હું વિઝા પર કેનેડા ગયો હતો. મેં 5 ડિસેમ્બર 2024ના રોજ નવી દિલ્હીથી મારી યાત્રા શરૂ કરી. બીજા દિવસે મારી પાસે અબુ ધાબીથી કનેક્ટિંગ ફ્લાઇટ હતી પણ મને ચઢવાની મંજૂરી આપવામાં આવી નહીં, ત્યારબાદ હું દિલ્હી પાછો ફર્યો અને આઠ દિવસ ત્યાં રહ્યો. ત્યારબાદ મને ઇજિપ્તના કૈરો જવા માટે ફ્લાઇટમાં બેસાડવામાં આવ્યો, જ્યાંથી મારે સ્પેન થઈને મોન્ટ્રીયલ કેનેડા જવાનું હતું. જોકે, મને સ્પેન, ગ્વાટેમાલા, નિકારાગુઆ, હોન્ડુરાસ અને મેક્સિકો થઈને અમેરિકા લઈ જવામાં આવ્યો.

મેક્સિકૌમાં બનાવ્યા બંધક

મેક્સીકન માફિયા દ્વારા 10 દિવસ સુધી બંધક બનાવ્યો
૪ કલાક પર્વત પર ચઢવું પડ્યું.
૧૬ કલાક સતત ચાલવું પડ્યું

હરિયાણા અને ગુજરાતના સૌથી વધુ

બુધવારે યુએસ આર્મીનું સી-૧૭ ગ્લોબમાસ્ટર વિમાન અમૃતસર એરપોર્ટ પર ઉતર્યું. હરિયાણા અને ગુજરાતમાંથી ૩૩-૩૩, પંજાબમાંથી ૩૦, મહારાષ્ટ્ર અને ઉત્તર પ્રદેશમાંથી ૩-૩ અને ચંદીગઢમાંથી ૨ લોકોને દેશનિકાલ કરવામાં આવ્યા હતા. આ બધા ગેરકાયદેસર રીતે અમેરિકામાં પ્રવેશવાનો પ્રયાસ કરી રહ્યા હતા.

સૌથી વધુ ભારતીયોનો નિકાલ

બ્રાઝિલ અને મેક્સિકો પછી ટ્રમ્પ વહીવટીતંત્ર સૌથી વધુ ભારતીયોને દેશનિકાલ કરી રહ્યું છે. ICE (ઇમિગ્રેશન અને કસ્ટમ્સ એન્ફોર્સમેન્ટ) ગેરકાયદેસર ભારતીય ઇમિગ્રન્ટ્સને દેશનિકાલ કરવાની પ્રક્રિયાને ઝડપી બનાવી રહ્યું છે. વિદેશ મંત્રી એસ. જયશંકરે સંસદમાં જણાવ્યું હતું કે ICE દ્વારા કરવામાં આવતા દેશનિકાલમાં નિયંત્રણની જોગવાઈ છે. મહિલાઓ અને બાળકો પર કોઈ બળનો ઉપયોગ થતો નથી.

અમેરિકામાં ઘૂષણખોરી જોખમભરી

ટ્રમ્પ વહીવટના આગમન પછી ગેરકાયદેસર ઇમિગ્રન્ટ્સ માટે અમેરિકા પહોંચવું અત્યંત મુશ્કેલ બની ગયું છે. મેક્સિકન સરહદ પાર કરવી હવે વધુ જોખમી બની ગઈ છે. 'ડિંકી' રસ્તો હવે જોખમી બની ગયો છે, અને લોકોને બળજબરીથી પાછા મોકલવામાં આવી રહ્યા છે.