મહાત્મા ગાંધી રાષ્ટ્રપિતા નથી: ગૃહ મંત્રાલય

નવી દિલ્હી, 26 ઑક્ટોબર: સરકાર મહાત્મા ગાંધીને 'રાષ્ટ્રપિતા'નું બિરૂદ આપી શકે નહી કારણ કે બંધારણ શિક્ષણ અને સેના સાથે જોડાયેલ ઉપાધિ સિવાય અન્ય ઉપાધિ આપવાની મંજૂરી આપતું નથી. ગૃહ મંત્રાલયે આરટીઆઇ દ્રારા પૂછવામાં આવેલા એક પ્રશ્નના જવાબમાં આ જાણકારી આપી હતી. આ પ્રશ્ન લખનૌમાં 11મા ધોરણમાં ભણતી એશ્વર્યા પારાશર નામની એક વિદ્યાર્થીનીએ પૂછ્યો હતો.

એશ્વર્યાએ એક આરટીઆઇ દાખલ કરીને પૂછ્યું હતું કે ગાંધીજીને 'રાષ્ટ્રપિતા' કેમ કહેવામાં આવે છે? ત્યારે તેને જણાવવામાં આવ્યું હતું કે ગાંધીજીને આવી કોઇ ઉપાધિ આપવામાં આવી નથી, તો તેને રાષ્ટ્રપતિ અને વડાપ્રધાનને પત્ર લખીને મહાત્મા ગાંધીને રાષ્ટ્રપિતા જાહેર કરવા માટેના જાહેરનામું રજૂ કરવાની માંગણી કરી હતી.

એશ્વર્યાની અરજી તે સૂચના સાથે ગૃહ મંત્રાલયને અરજી મોકલવામાં આવી હતી કે તેના પર શું કાર્યવાહી કરવામાં આવી છે તેનો ખુલાસો કરવામાં આવે. ગૃહ મંત્રાલયે પોતાના જવાબમાં મહાત્મા ગાંધીને 'રાષ્ટ્રપિતા'નું બિરૂદ ન આપવા માટે બંધારણીય મજબૂરીઓને હવાલો સોંપ્યો હતો. મંત્રાલયે કહ્યું હતું કે બંધારણીય કલમ 8(1) શિક્ષણ અને સેના સાથે જોડાયેલ ઉપાધિ સિવાય અન્ય ઉપાધિ આપવાની મંજૂરી આપતું નથી.

English summary

Mahatma Gandhi cannot be accorded the 'Father of the Nation' title by government as the Constitution does not permit any titles except educational and military ones, the Home Ministry has said.