જેલમાં કેદી કરી રહ્યા છે 'સીએમ' બટાટાની ખેતી, એક બટાટાનું વજન 1 kg

યુપીના એટા જિલ્લાની જેલમાં કેદીઓ હવે હાઈટેક ખેડૂતો બની ગયા છે. જેલમાં કેદીઓને જૈવિક ખેતીની તાલીમ આપ્યા પછી, કેદીઓની મહેનત રંગ લાવી અને તેમનો પાક જોઈ તેમની ખુશીનો પાર ન રહ્યો હતો

Updated: Thursday, March 14, 2019, 12:51 [IST]

યુપીના એટા જિલ્લાની જેલમાં કેદીઓ હવે હાઈટેક ખેડૂતો બની ગયા છે. જેલમાં કેદીઓને જૈવિક ખેતીની તાલીમ આપ્યા પછી, કેદીઓની મહેનત રંગ લાવી અને તેમનો પાક જોઈ તેમની ખુશીનો પાર ન રહ્યો હતો, તો ત્યાં બટાટાના વધુ ઉત્પાદનને જોઈ જેલ અધિકારીઓએ તેમની મહેનતની પ્રશંસા કરી રહ્યા છે. જૈવિક ખેતી દ્વારા કરવામાં આવેલા બટાટાના ઉત્પાદનમાં એક બટાટાનું વજન એક કિલો સુધીનું છે.

બટાટાનું નામ 'સીએમ'

જીલ્લાની જેલના કેદીઓએ જૈવિક ખેતી દ્વારા બટાટાનો પાક તૈયાર કર્યો છે. ચાર મહિના કેદીઓને આપવામાં આવેલી તાલીમ પછી, હવે કેદીઓના ચહેરા પર ખુશીની લહેર છે. જીલ્લા જેલમાં આ કેદીઓએ જૈવિક ખેતીની કુશળતા શીખીને જૈવિક ખેતી કરવાનું શરૂ કર્યું છે. તેમણે તેમના બટાટાને 'સીએમ' નામ આપ્યું છે. સીએમ બટાકાનો પાક સમગ્ર જીલ્લાના ખેડૂતો માટે ચર્ચાનો વિષય બન્યો છે.

કેદી બન્યા હાઈટેક ખેડૂત

આ કેદીઓ કે જેઓ જુદા જુદા ફોજદારી કેસોમાં સજા ભોગવતા હતા તેઓ હવે ખેડૂતો બની ગયા છે. જિલ્લા જેલની લગભગ 5 એકર જમીન પર ત્યાંના 25 થી 30 કેદીઓ દરરોજ 5-6 કલાકની ખેતી કરતા હતા અને તેમની સખત મેહનત રંગ લાવી. સીએમ બટાટાની બમ્પર ઉપજ સાથે કેદીઓ ખુબ ખુશ છે. બટાટાના વધુ ઉત્પાદનથી કેદીઓ માટે હવે બહારથી બટાટા મંગાવાની જરૂર નથી. આરોગ્યની દૃષ્ટિએ અને ખાવામાં ખૂબ જ સ્વાદિષ્ટ છે અને કેદીઓ હાઈટેક ખેડૂતો બની ગયા છે.