રાજ્યના કાયદા સચિવ પદે ન્યાયાધીશોની નિયુક્તિ કરો : સુપ્રીમ કોર્ટ

નવી દિલ્હી, 30 એપ્રિલ : સર્વોચ્‍ચ અદાલતે રાજયોમાં કાયદા સચિવના હોદ્દા પર આઇએએસ અધિકારીઓની જગ્‍યાએ જિલ્લા જજને નિયુકત કરવાનો આદેશ આપ્‍યો છે. સુપ્રિમ કોર્ટના જણાવ્‍યા પ્રમાણે વહીવટી અધિકારીઓની જગ્‍યાએ ન્‍યાયિક અધિકારીઓ કાનૂની જરૂરિયાતો અને અદાલતોની સમસ્‍યાઓને સારી રીતે સમજે છે.

દેશના મુખ્‍ય ન્‍યાયમૂર્તિ તથા રાજયોની વડી અદાલતોના મુખ્‍ય ન્‍યાયમૂર્તિઓના સંમેલનમાં આ પ્રસ્‍તાર સર્વ સંમતિથી પાસ કરવામાં આવ્યો હતો.

ગત 9 એપ્રિલ, 2013ના રોજ પાસ કરવામાં આવેલા પ્રસ્‍તાવમાં કહેવાયું હતું કે, રાજયોમાં જિલ્લા લીગલ સચિવ ઓથોરિટી માટે રાજય સચિવનો હોદો રચવા તથા તેની પર પણ ન્‍યાયિક અધિકારીને જ નિયુકત કરવાનો પ્રસ્‍તાવ અપાયો છે. સુપ્રીમ કોર્ટના પ્રસ્‍તાવ અનુસાર રાજયોમાં કાયદા સચિવ, લીગલ રિમેજાલોન્‍સર, લીગલ સર્વિસ ઓથોરિટીના સભ્‍ય સચિવ પદે જિલ્લા જજ અથવા ચીફ ડિસ્‍ટ્રીકટ જજ હોવા જોઇએ આ પ્રસ્‍તાવને ત્રણ મહિનામાં લાગુ કરવા જણાવાયું છે.

પ્રસ્‍તાવ અનુસાર જિલ્લા જજ કાયદા સચિવ બનવાથી વહીવટીતંત્ર તથા કાર્યપાલિકા વચ્‍ચે તે એક સેતુનું કામ કરશે. સાથે જ પ્રણાલીનું પણ દુરસ્‍ત કરવામાં મદદ કરશે.

English summary

Depute judges states law secretary posts : Supreme court.