મહિલાએ 30 વર્ષ બાદ 59 વર્ષીય એક્સઈએન પર કર્યો રેપ કેસ, વૉટ્સએપ ચેટ બન્યુ પુરાવો
દિલ્લીના પહાડગંજ પોલિસ સ્ટેશનમાં એક મહિલાએ એક્સઈએન સામે રેપનો કેસ ફાઈલ કરાવ્યો છે.
દિલ્લીના પહાડગંજ પોલિસ સ્ટેશનમાં એક મહિલાએ એક્સઈએન સામે રેપનો કેસ ફાઈલ કરાવ્યો છે. 46 વર્ષીય મહિલાએ ફરિયાદમાં કહ્યુ કે જ્યારે તે 16 વર્ષની હતી તો એક જેઈએ તેના પર બળાત્કાર કર્યો હતો. આ ઘટનાને 30 વર્ષ થઈ ગયા અને જેઈ હવે એક્સઈએન બની ગયો છે. આરોપી એક્સઈએન 59 વર્ષનો થઈ ચૂક્યો છે. મહિલાની આ રીતની ફરિયાદે પોલિસકર્મીઓને વિચારવા પર મજબૂર કરી દીધા. વળી, મહિલાએ આ વિશે કહ્યુ કે આરોપીએ જાનથી મારી નાખવાની ધમકીઓ આપી હતી. એટલા માટે કોઈને ન જણાવ્યુ. જ્યારે લગ્ન થયા તો હું મારા પતિ સાથે રહેવા માટે સાકેત જતી રહી. ત્યારબાદ આરોપી સામે હિંમત આવી તો ફરિયાદ નોંધાવી છે.
માહિતી અનુસાર મહિલાએ પોલિસને આપેલી ફરિયાદમાં વૉટ્સએપ ચેટિંગને પુરાવા તરીકે રજૂ કર્યા. તેણે કહ્યુ કે મે પોતાની સાથે થયેલી ઘટનાના પુરાવા તરીકે ગયા ત્રણ વર્ષથી આરોપી સાથે થયેલી વૉટ્સએપ ચેટ પોલિસને આપી છે. જો કે હજુ સુધી આ કેસમાં કોઈની ધરપકડ થઈ નથી.
પીડિતાએ જણાવ્યુ કે વર્ષ 1989માં તેના પિતા એમસીડીમાં કાર્યરત હતા અને અમે ત્યારે આરામબાગમાં રહેતા હતા. ત્યાં 29 વર્ષનો જેઈ (ત્યારે આરોપી જેઈ હતો) પણ રહેતો હતો. એક દિવસ તેણે મને પોતાના ઘરે બોલાવી. ત્યાં બળાત્કાર કર્યો. કોઈને કહેવા પર જાનથી મારી નાખવાની ધમકી આપી અને થોડા સમય બાદ તે ફ્લેટ છોડીને જતો રહ્યો.
Click it and Unblock the Notifications
Sign in with Google
