દિલ્હીઃ IGI એરપોર્ટે દુર્ઘટનાનો શિકાર થતાં બચ્યા રાહુલ ગાંધી

નવી દિલ્હી, 12 ડિસેમ્બરઃ કોંગ્રેસ ઉપાધ્યાક્ષ રાહુલ ગાંધી જે જેટમાં બેસીને મુસાફરી કરી રહ્યાં હતા તે લેન્ડિંગ સમયે એક દુર્ઘટનાનો શિકાર થતાં-થતાં બચ્યું હોવાનો અહેવાલ મીડિયામાં આવી રહ્યો છે. આ ઘટના દિલ્હીના આઇજીઆઇ એરપોર્ટ પર મંગળવારે ઘટી હતી.

માહિતી અનુસાર રાહુલ ગાંધી રાય બરેલીથી દિલ્હી પરત ફરી રહ્યાં હતા, તે સમયે તેમનું જેટ જ્યાં લેન્ડ થવા જઇ રહ્યું હતું, એ રનવે પર અન્ય એક એરક્રાફ્ટ પાર્ક થયેલું જોવા મળ્યું હતું. જો કે, એનટીસીએ અંતિમ સમયે રાહુલના જેટને લેન્ડિંગ થતું અટકાવ્યું હતું અને એક મોટી દુર્ઘટના થતા અટકાવી હતી.

નોંધનીય છે કે, આ કેસ્સના સિટેશન નામના અમેરિકન બિઝનેસ જેટને બે પાયલોટ ઉડાવી રહ્યા હતા, જેમણે સમયસુચકતા વાપરી એનટીસી દ્વારા આપવામા આવેલી સૂચના અનુસાર મોટી હાની થતી અટકાવી હતી, આ બનાવ અંગે ડીજીસીએ દ્વારા તપાસના આદેશ આપવામાં આવ્યા છે.

English summary

Congress vice president Rahul Gandhi's jet had a close shave while landing at the IGI Airport in New Delhi, according to media reports. Another aircraft was found parked on the same runway on which Rahul's plane was to land. Rahul was returning from Rae Bareli.