Delhi Mayor Election: દિલ્લી સરકારે ફરીથી મોકલ્યો ચૂંટણી માટે નવો પ્રસ્તાવ, LGની મંજૂરીની રાહ

દિલ્લી નગર નિગમના મેયરની ચૂંટણી ત્રણ વાર સ્થગિત રહ્યા પછી હવે આપ સરકારે ફરીથી ઉપ રાજ્યપાલને નવો પ્રસ્તાવ મોકલ્યો છે.

Delhi MCD News: દિલ્લી મ્યુનિસિપલ કોર્પોરેશન (MCD) ચૂંટણીના બે મહિના પછી પણ રાજકીય અખાડો બનેલો છે. બે મહિના વીતી જવા છતાં પણ એમસીડીને મેયર અને ડેપ્યુટી મેયર મળ્યા નથી. અત્યાર સુધીમાં ગૃહની ત્રણ બેઠકો બોલાવવામાં આવી છે પરંતુ ભાજપ અને આપ વચ્ચેની રાજકીય લડાઈને કારણે ચૂંટણી સ્થગિત કરવી પડી હતી. આવી સ્થિતિમાં દિલ્લી સરકારે ફરી એકવાર નવી તારીખો સાથે ઉપ રાજ્યપાલને પ્રસ્તાવ મોકલ્યો છે.

દિલ્લીની આપ સરકારે મેયર, ડેપ્યુટી મેયર અને સ્ટેન્ડિંગ કમિટીના સભ્યો માટે 13 કે 14 ફેબ્રુઆરીએ ચૂંટણી કરાવવા માટે દિલ્લી એલજીને પ્રસ્તાવ મોકલ્યો છે. આવી સ્થિતિમાં ઉપ રાજ્યપાલની મંજૂરી બાદ જ તારીખ નક્કી કરવામાં આવશે. તમને જણાવી દઈએ કે દિલ્હી મહાનગર પાલિકાના નવા મેયરની ચૂંટણી માટે અત્યાર સુધીમાં ત્રણ બેઠક બોલાવવામાં આવી છે, પરંતુ ત્રણેય પ્રયાસો નિષ્ફળ ગયા છે.

એમસીડી ચૂંટણીના પરિણામો ગયા વર્ષે 7 ડિસેમ્બર, 2022ના રોજ આવ્યા હતા પરંતુ તે પછી હંગામાને કારણે ચૂંટણી ત્રણ વખત સ્થગિત કરવામાં આવી છે. નોંધનીય છે કે એમસીડી ચૂંટણી માટે 6 જાન્યુઆરીએ પહેલીવાર બેઠક બોલાવવામાં આવી હતી. ત્યારબાદ બીજી બેઠક 24 જાન્યુઆરીએ અને ત્રીજી બેઠક 6 ફેબ્રુઆરીએ બોલાવવામાં આવી હતી. આ દરમિયાન ત્રણેય સભામાં ભાજપ અને આમ આદમી પાર્ટીના લોકોએ કરેલા હોબાળાને કારણે ચૂંટણી થઈ શકી ન હતી અને સભા મોકૂફ રાખવામાં આવી હતી.

Delhi | AAP govt sends a proposal to Delhi LG to conduct elections for Delhi's Mayor, Deputy Mayor & members of the standing committee on February 13 or 14.

— ANI (@ANI) February 9, 2023

English summary

Delhi Mayor Election: AAP govt sends a proposal to conduct elections for Delhi's Mayor, Deputy Mayor to Delhi LG.