AAPનો આરોપ - LGએ લટકાવી ફાઈલ, વિજળી સબસિડી હવે નહિ આપી શકે કેજરીવાલ સરકાર

દિલ્લીના લોકોને મોટો ઝટકો લાગવા જઈ રહ્યો છે કારણ કે હવે તેમને 200 યુનિટ વીજળી મફતમાં નહીં મળે. આમ આદમી પાર્ટી અને કેજરીવાલ સરકારે આ માટે એલજીને જવાબદાર ઠેરવ્યા હતા.

સરકારનો આરોપ છે કે એલજીએ સબસિડી સંબંધિત ફાઈલ લટકાવી રાખી છે. આ મામલે પ્રેસ કૉન્ફરન્સ કરીને દિલ્લી સરકારના મંત્રી આતિશીએ કહ્યું કે આજથી દિલ્લીના લોકોને આપવામાં આવતી સબસિડીવાળી વીજળી બંધ થઈ જશે, એટલે કે આવતીકાલથી સબસિડીવાળા બિલ આપવામાં આવશે નહીં.

આ સબસિડી બંધ કરવામાં આવી છે કારણ કે AAP સરકારે આગામી વર્ષ માટે સબસિડી ચાલુ રાખવાનો નિર્ણય કર્યો છે, પરંતુ ફાઇલ દિલ્લી એલજી પાસે છે. મંત્રીએ કહ્યું કે જ્યાં સુધી ફાઇલ પરત નહીં આવે ત્યાં સુધી AAP સરકાર સબસિડી બિલ જાહેર કરી શકે નહીં. એલજીના કારણે 46 લાખ પરિવારો, ખેડૂતો, વકીલો અને 1984ના રમખાણ પીડિતોને મફત વીજળી મળતી બંધ થઈ જશે.

તેમણે આગળ કહ્યુ કે વધુ સમય નહીં લાગે, એલજીને માત્ર 5 મિનિટની જરૂર છે. 46 લાખ પરિવારોનો મુદ્દો તેમની સમક્ષ ઘણી વખત ઉઠાવવામાં આવ્યો હતો પરંતુ તેમણે કોઈ જવાબ આપ્યો ન હતો. આવી સ્થિતિમાં પાર્ટી અને સરકારને મીડિયા દ્વારા તેમને વિનંતી કરવી પડશે. જો તેઓ ફાઇલ ક્લિયર નહીં કરે તો તેઓ મજબૂરીમાં સબસિડી મેળવી શકશે નહીં.

તમને જણાવી દઈએ કે અરવિંદ કેજરીવાલ મફત વીજળી અને પાણીનું વચન આપીને સત્તામાં આવ્યા હતા. તેમણે સરકાર બનાવતાની સાથે જ પોતાનું વચન પૂરુ કર્યુ અને મફત વીજળીની જાહેરાત કરી. આ અંતર્ગત દર મહિને 200 યુનિટ વીજળી મફત મળે છે, જ્યારે દર મહિને 201થી 400 યુનિટનો વપરાશ કરનારાઓને રૂ.850માં 50 ટકા સબસિડી મળે છે. આ સમગ્ર સબસિડીનો બોજ કેજરીવાલ સરકાર પોતે ઉઠાવે છે. AAPનો આરોપ છે કે LG તેમની યોજનાને સંપૂર્ણપણે બંધ કરવા માંગે છે.

English summary

Delhi education Minister Atishi said no Subsidy on electricity because file is pending in LG office.