કોરોના સંકટમાં આ કંપનીના કર્મચારીઓની નોકરી નહિ જાય, વધશે ઈન્ક્રીમેન્ટ

કોરોના વાયરસના ફેલાવ અને લૉકડાઉન જારી થયા બાદ સતત કંપનીઓ કર્મચારીઓને નોકરીમાંથી કાઢી રહી છે અને પગારમાં પણ કાપ મૂકવામાં આવી રહ્યો છે. આ દરમિયાન કોલ્ડ્રીન્સ બનાવવા માટે જાણીતી કંપની કોકાકોલાએ કહ્યુ છે કે આ મુશ્કેલ સમયમાં તે ના તો કોઈના કર્મચારીને નોકરીમાંથી કાઢી શકશે અને ના કોઈનો પગાર કાપવામાં આવશે. સાથે કંપનીએ ઈન્ક્રીમેન્ટ એટલે કે પગારમાં વધારાનુ પણ એલાન કરવામાં આવ્યુ છે.

7000 કર્મચારીઓને મળશે ઈંક્રીમેન્ટ

કોકા-કોલા કંપનીની બૉટલિંગ પાર્ટનર હિંદુસ્તાન કોકા કોલા બેવરેજે કર્મચારીઓની સેલેરીમાં વધારાની ઘોષણા કરી છે. એચસીસીબીએ પોતાના 7000 કર્મચારીઓની સેલેરીમાં 7થી 8 ટકા વધારાનુ એલાન કર્યુ છે. આ વધારો 1 એપ્રિલ 2020થી લાગુ થશે. એચસીસીબી તરફથી કહેવામાં આવ્યુ છે કે વાર્ષિક ઈંક્રીમેન્ટનો ફાયદો બધા કર્મચારીઓને મળશે. કંપની ભારતમાં કોક, સ્પ્રાઈટ, થમ્સ અપના નામથી પીણા બનાવે છે.

કંપનીએ માન્યુ ખપત ઘટી છે

કોકા કોલાના સીઈઓ જેમ્સ કિંસીએ કહ્યુ છે કે ભારતના બજારમાં કોલ્ડ્રીંક્સની ખપત ઘટી છે. કોરોના વાયરસના ખતરા અને પછી લૉકડાઉન બાદ જાન્યુઆરી-માર્ચ ત્રિમાસિકમાં દુનિયાભરના બજારોમાં કોકા કોલાનુ વેચાણ 5 ટકા ઘટ્યુ છે. કંપનીએ લૉકડાઉનની નકારાત્મક અસર જરૂર માની છે પરંતુ સ્પષ્ટ કર્યુ છે કે આની અસર કર્મચારીઓ પર નહિ થાય.

કોરોનાથી નોકરીઓ પર પડી છે અસર

કોરોના વાયરસનો ખતરો દેશ અને દુનિયામાં વધી રહ્યો છે. જેનાથી નોકરીઓ પર દેશભરમાં અસર થઈ છે. તમને જણા્વી દઈએ કે દેશમાં કોરોના વાયરસથી સંક્રમિત દર્દીઓની સંખ્યા 29 હજારને પાર પહોંચી ચૂકી છે. આરોગ્ય મંત્રાલય તરફથી જારી અધિકૃત આંકડાઓ મુજબ ભારતમાં કોરોના વાયરસ પૉઝિટીવ કેસોની સંખ્યા મંગળવારે 29,435 થઈ ગઈ છે અને 934 લોકોનો મોત થઈ ચૂક્યા છે. દેશમાં અત્યારે 21,632 એક્ટિવ કેસ છે એટલે કે ત્રણ લોકોનો હોસ્પિટલમાં ઈલાજ ચાલી રહ્યો છે.

English summary

coronavirus impact coca cola announces no cuts in jobs giving increments to employee