કોંગ્રેસ જાહેર કરી રાજ્યસભાના 10 ઉમેદવારોની યાદી, જુઓ કોને મળી ટિકિટ

કોંગ્રેસે આગામી રાજ્યસભા ચૂંટણી માટે ઉમેદવારોની યાદી જાહેર કરી દીધી છે.

Updated: Monday, May 30, 2022, 10:43 [IST]

નવી દિલ્લીઃ કોંગ્રેસે આગામી રાજ્યસભા ચૂંટણી માટે ઉમેદવારોની યાદી જાહેર કરી દીધી છે. પાર્ટી તરફથી રવિવારે જાહેર કરવામાં આવેલી યાદીમાં 10 નામોની જાહેરાત કરવામાં આવી છે. પાર્ટીએ રાજ્યસભામાં સીનિયર નેતાઓ્ને મોકલ્યા છે. આમાં પી. ચિદમ્બરમ, જયરામ રમેશ, રણદીપ સૂરજેવાલા અને અજય માકન જેવા નામ શામેલ છે. આ ઉપરાંત પાર્ટીએ યુપીથી આવતા નેતા ઈમરાન પ્રતાપ ગઢીને ઉમેદવાર બનાવ્યા છે.

રવિવારે જાહેર કરાયેલ ઉમેદવારોની યાદીમાં છત્તીસગઢથી રાજીવ શુક્લા અને રંજીત રંજનનુ નામ છે. હરિયાણાના અજય માકન, કર્ણાટકના જયરામ રમેશ, મધ્યપ્રદેશના વિવેક ટંખા, મહારાષ્ટ્રના ઈમરાન પ્રતાપગઢી, રાજસ્થાનના રણદીપ સુરજેવાલા, મુકુલ વાસનિક, પ્રમોદ તિવારીના નામ છે. તમિલનાડુમાંથી પી ચિદમ્બરમના નામની જાહેરાત કરવામાં આવી છે. દેશના 15 રાજ્યોમાંથી રાજ્યસભાની 57 બેઠકો માટે 10 જૂને ચૂંટણી યોજાશે. નામાંકન ભરવાની છેલ્લી તારીખ 31 મે છે.

રાજ્યસભામાં કોંગ્રેસની આઠ બેઠકો ખાલી પડી રહી છે. જેમાં પૂર્વ કેન્દ્રીય મંત્રી પી ચિદમ્બરમ, જયરામ રમેશ, કપિલ સિબ્બલ, છાયા શર્મા, વિવેક તંખા, અંબિકા સોની જેવા નેતાઓનો સમાવેશ થાય છે. પાર્ટીએ આ વખતે ઘણા નેતાઓને રાજ્યસભામાં મોકલ્યા નથી. કોંગ્રેસના આ નેતાઓ ગુલામ નબી આઝાદ, આનંદ શર્મા, પ્રમોદ તિવારી, કુમારી સેલજા, સંજય નિરુપમ, રાજીવ શુક્લા રાજ બબ્બર રાજ્યસભામાં જવાની રાહ જોઈ રહ્યા હતા પરંતુ પાર્ટીએ તેમને ટિકિટ આપી નથી.

આ પહેલા ભાજપે આગામી રાજ્યસભા ચૂંટણી માટે 16 ઉમેદવારોના નામની જાહેરાત કરી છે. તેમાંથી કેન્દ્રીય મંત્રી પીયૂષ ગોયલ અને નિર્મલા સીતારમણને મહારાષ્ટ્ર અને કર્ણાટકમાંથી ઉમેદવાર બનાવવામાં આવ્યા છે. આ 16 ઉમેદવારોમાંથી છ ઉત્તર પ્રદેશના છે. તમને જણાવી દઈએ કે 15 રાજ્યોમાં રાજ્યસભાની 57 ખાલી બેઠકો માટે 10 જૂને મતદાન થશે. ચૂંટણી પંચના જણાવ્યા અનુસાર, 21.06.2022 થી 01.08.2022 ની વચ્ચે ઘણા સભ્યોનો કાર્યકાળ પૂર્ણ થઈ રહ્યો છે.