કોંગ્રેસની ચિંતન શિબિરઃ નક્કી થશે 2014ની રણનીતિ

જયપુર, 18 જાન્યુઆરીઃ પોતાના બીજા શાસનકાળ દરમિયાન રાજકિય, આર્થિક અને સમાજિક એમ ચારે તરફથી પડકારોનો સામનો કરી રહેલી કોંગ્રેસની ચિંતન શિબિરનો આજથી જયપુરમાં પ્રારંભ થઇ રહ્યો છે. જેમાં ભાગ લેવા માટે પ્રધાનમંત્રી ડો. મનમોહન સિંહ જયપુર પહોંચી ગયા છે. શિબિરમાં જ્યાં કોંગ્રેસ વધતી મોઘવારીને નિંયત્રિત કરવા માટે રણનીતિ બનાવશે ત્યાં જ સરકારની છબીને સુધારવા માટે પણ વિચાર કરશે. વધતી મોંઘવારી, દિલ્હી ગેંગરેપ બાદ મહિલાઓની સુરક્ષા અને ભારત-પાકિસ્તાનના સંબંધો સબબ ચર્ચા કરવા માટે અલગ-અલગ સત્ર રાખવામાં આવ્યા છે.

આ ઉપરાંત ભ્રષ્ટચાર એક એવી સમસ્યા છે, જ્યાં યૂપીએના બીજા શાસનકાળને સૌથી વધારે પ્રશ્નોના ઘેરામાં લાવી દીધી છે. તેમજ ઘણા એવા રાજ્યો છે જ્યાં છેલ્લા દસકાથી કોંગ્રેસ સત્તા પર નથી, તેથી આવા રાજ્યો માટે એક મજબૂત નીતિ તૈયાર કરવામાં આવશે. રાજકીય સમસ્યાઓથી નીપટવા માટે એક વિશેષ સત્ર હશે, જેની અધ્યક્ષતા રક્ષામંત્રી એકે એન્ટોની કરશે.

કોંગ્રેસના વરિષ્ઠ નેતા દિગ્વિજય સિંહની અધ્યક્ષતામાં મોંઘવારી અને ખાદ્ય સુરક્ષા યોજના પર એક સત્રનુ આયોજન કરવામાં આવશે. મહિલાઓની સુરક્ષા અને તેમના વિરુદ્ધ થયા ગુન્હાઓને રોકવા માટે ગિરજા વ્યાસની અધ્યક્ષતામાં મહિલા સશક્તિકરણ વિષય પર ચર્ચા કરવામાં આવશે. કોંગ્રેસ પોતાના બાકી રહેલા કાર્યકાળમાં રાજનીતિમાં મહિલાઓ માટે 33 ટકા આરક્ષણવાળા બીલને પણ પાસ કરવાની યોજના બનાવી રહી છે. જેનાથી દિલ્હી ગેંગરેપની ઘટના બાદ શર્મસાર થયેલી સરકાર પર પડદો પાડી શકાય.

ભારત-પાકિસ્તાનના વર્તમાન સંબંધોને લઇને પણ એક સત્રનું આયોજન કરવામાં આવ્યું છે, જેનું અધ્યક્ષતા વાણિજ્ય મંત્રી આનંદ શર્મા કરશે. કોંગ્રેસમાં આગામી ચૂંટણીમાં યુવાઓને જવાબદારી સોંપવામાં આવે તે અંગે ચર્ચા કરવામાં આવશે, જેના અધ્યક્ષસ્થાને સ્વાસ્થ્યમંત્રી ગુલામ નબી આઝાદ હશે.

પાર્ટી સામે પડકારો ઘણા છે. હવે એ જોવાનું છે કે કોંગ્રેસ આલાકમાન આ પડકારોમાંથી બહાર નીકળવામાં કેવી રીતે સફળતાં મેળવે છે.

English summary

Congress Chintan Shivir will start today in Jaipur. Party leaders will discuss on strategies for Loksabha election 2014.