સીબીઆઇના આ સાત પ્રશ્નોના જવાબ આપવા પડશે પવન બંસલે

નવી દિલ્હી, 13 મેઃ ભાણાના લાંચકાંડના ખુલાસા બાદ પવન બંસલની રેલમંત્રીની ખુરશી સરકારે લઇ લીધી છે. બંસલ હવે મંત્રી રહ્યાં નથી. મંત્રી પદ છીનવાયા બાદથી હવે સીબીઆઇ તેમના પર શિકંજો કસી રહી છે. રેલવે લાંચકાડના ખુલાસા બાદ બંસલની મુશ્કેલીઓ વધી ગઇ છે. મામલાની તપાસ કરી રહેલી સીબીઆઇએ રેલવેના કેટલાક અધિકારીઓની પૂછપરછ કરી અને તેમને સમન્સ પાઠવ્યા છે.

સીબીઆઇને શંકા છે કે રેલવેના આ મોટા ખેલમા ઘણા મોટા અધિકારીઓ સામેલ હોઇ શકે છે. સીબીઆઇ આ બધાને પૂછપરછ કરીને લાંચકાંડની કડીઓ જોડવાનો પ્રયાસ કરી રહી છે. આ કડીમાં જાડાવા દરમિયાન માનવામાં આવી રહ્યું છે કે સીબીઆઇ ટૂંકસમયમાં પૂર્વ રેલવેમંત્રી પવન બંસલની પણ પૂછપરછ કરી શકે છે.

માનવામા આવી રહ્યું છેકે, સીબીઆઇની એક વિશેષ ટીમ પવન બંસલની પૂછપરછ કરી શકે છે. બંસલની પૂછપરછ કરવા માટે સીબીઆઇ પ્રશ્નો તૈયાર કરી રહી છે અને ગમે તે સમયે પૂછપરછનો દોર શરૂ થઇ શકે છે. સીબીઆઇ સંપૂર્ણ તૈયારી સાથે બંસલને ઘેરવા માગે છે. માનવામાં આવી રહ્યું છે કે સીબીઆઇ મહેશ કુમારના સંબંધોને લઇને બસંલને પ્રશ્નો પૂછી શકે છે. કેવા હોઇ શકે છે સીબીઆઇના પ્રશ્નો-

-- સીબીઆઇ પૂછી શકે છે કે શું પવન બંસલ મહેશ કુમારને મળ્યા હતા?
-- જો મળ્યા હતા તો કેટલીવાર મળ્યા હતા?
-- શું મુંબઇ જતી વખતે મહેશ કુમારની સાથે બંસલ પણ હતા?
-- એ બન્ને વચ્ચે શું-શું વાત થઇ હતી?
-- વિજય સિંગલાએ કેટલીવાર મહેશ કુમાર સાથે તેમની મુલાકાત કરાવી હતી?
-- વિજય સિંગાલ અને પવન બંસલ વચ્ચે કેવા પ્રકારના વ્યવસાયિક સંબંધો છે?
-- શું બંસલને ખબર હતી કે સિંગલાએ તેમના પીએની મુલાકાત મહેશ કુમાર સાથે કરાવી હતી?

English summary

CBI may ask these seven Question to Formal Railaway Minister Pawan Kumar Bnasal regarding Railway Bribery Scam.