ગોવા-મણિપુરમાં ભાજપ ફરીથી સરકાર બનાવી શકે, કોંગ્રેસને બહુમતીની સંભાવના નહીં!

આગામી વર્ષે યુપી, ઉત્તરાખંડ, પંજાબ, ગોવા અને મણિપુરમાં વિધાનસભાની ચૂંટણી યોજાવાની છે. આ રાજ્યોમાં ચૂંટણી માટે રાજકીય પક્ષોએ તૈયારીઓ શરૂ કરી દીધી છે. દરમિયાન એબીપી ન્યૂઝ અને સી વોટરે રાજ્યોની સ્થિતિ જાણવા માટે એક સર્વે કર્યો છે. ગોવામાં ફરી એકવાર ભાજપ સરકાર બનાવી શકે છે. એક અંદાજ મુજબ 22 થી 26 બેઠકો ભાજપના ખાતામાં જશે, 3-7 બેઠકો કોંગ્રેસને, 4-8 બેઠકો આમ આદમી પાર્ટીને અને 3-7 બેઠકો અન્યને મળશે.

એબીપી ન્યૂઝ સી વોટર મુજબ, ગોવામાં ભાજપને 39 ટકા, કોંગ્રેસને 15 ટકા, આમ આદમી પાર્ટીને 22 ટકા અને અન્યને 24 ટકા મત મળી શકે છે. 2017 ની છેલ્લી વિધાનસભાની ચૂંટણીમાં કોંગ્રેસ સૌથી મોટી પાર્ટી તરીકે ઉભરી આવી હતી, 60 માંથી 28 બેઠકો સાથે બહુમતીથી ત્રણ બેઠકો ઓછી રહી હતી. બીજેપી 21 બેઠકો સાથે બીજા ક્રમે આવી હતી. પરંતુ એનપીપી, એનપીએફ અને અપક્ષ ઉમેદવારોના 11 ધારાસભ્યોના ટેકાથી ભાજપે સરકાર બનાવી હતી.

મણિપુરની વાત કરીએ તો, સર્વેના આંકડા અનુસાર, 2022 ની મણિપુર વિધાનસભાની ચૂંટણીમાં ભાજપ ગઠબંધન સંપૂર્ણ બહુમતી સાથે રાજ્યમાં સરકાર બનાવી શકે છે. ભાજપ ગઠબંધનને 32 થી 36 બેઠકો મળી શકે છે. કોંગ્રેસ પાર્ટી 18 થી 22 બેઠકો જીતી શકે છે. બીજી બાજુ NPF ને માત્ર 2 થી 6 બેઠકોથી સંતોષ માનવો પડી શકે છે. જ્યારે 0 થી 4 બેઠકો અન્યના ખાતામાં જઈ શકે છે.

એબીપી ન્યૂઝ સી વોટર સર્વે અનુસાર મણિપુરમાં ભાજપને 40 ટકા મત મળવાની ધારણા છે. આ સિવાય 35 ટકા વોટ કોંગ્રેસને, 6 ટકા એનપીએફને અને 17 ટકા અન્યને મળવાની ધારણા છે. આપને જણાવી દઈએ કે મુખ્યમંત્રી બનેલા એન બીરેન સિંહ ચૂંટણીના એક વર્ષ પહેલા કોંગ્રેસ છોડીને ભાજપમાં જોડાયા હતા. ઉલ્લેખનીય છે કે, બિરેન સિંહ ઇબોબી સિંહની આગેવાનીવાળી સરકારમાં મંત્રી હતા.

મણિપુરમાં છેલ્લી વિધાનસભા ચૂંટણીમાં ભારતીય જનતા પાર્ટી 21 બેઠકો પર જીતી હતી, પરંતુ પાર્ટી એન બિરેન સિંહના નેતૃત્વ હેઠળ પ્રથમ વખત રાજ્યની સત્તા કબજે કરવામાં સફળ રહી હતી. 28 બેઠકો જીત્યા બાદ પણ કોંગ્રેસ સરકાર બનાવવામાં નિષ્ફળ રહી હતી. આ સિવાય નાગા પીપલ્સ ફ્રન્ટને ચાર, નેશનલ પીપલ્સ પાર્ટીને પણ ચાર, ટીએમસી અને લોક જનશક્તિ પાર્ટીને એક બેઠક અને એક અપક્ષ ઉમેદવારને મળી હતી.

English summary

BJP can form government again in Goa-Manipur, Congress not likely to get majority!