Ayodhya dispute: અયોધ્યા મામલે સુપ્રીમકોર્ટમાં સુનાવણી શરુ

રામ જન્મભૂમિ- બાબરી મસ્જિદ વિવાદ મામલે સુપ્રીમકોર્ટમાં આજે સુનાવણી શરુ થઇ ગઈ છે. મધ્યસ્થા ઘ્વારા વિવાદનો ઉકેલ કાઢવાના પ્રયાસ અસફળ થયા પછી હવે સુપ્રીમકોર્ટે રોજ આ મામલે સુનાવણી કરવાનો નિર્ણય લીધો છે. ચીફ જસ્ટિસ રંજન ગોગાઇની અધ્યક્ષતા ધરાવતી 5 સદસ્યોની સંવિધાનિક પીઠ આ મામલે સુનાવણી કરી રહી છે. આ સંવિધાનિક બેંચમાં જસ્ટિસ એસ. એ. બોબડે, જસ્ટિસ ડી.વાય. ચંદ્રચુડ, જસ્ટિસ અશોક ભૂષણ અને જસ્ટિસ એસ. એ. નજીર પણ શામેલ છે.

આપને જણાવી દઈએ કે અગાઉ 2 ઓગસ્ટે મધ્યસ્થા કમિટી અંગે સુપ્રીમ કોર્ટમાં સુનાવણી થઈ હતી, જ્યાં કોર્ટે કહ્યું હતું કે મધ્યસ્થા પેનલ વિવાદના સમાધાનમાં નિષ્ફળ ગઈ છે, પેનલ કોઈ નિષ્કર્ષ પર પહોંચી શકશે નહીં, તેથી હવે સુપ્રીમ કોર્ટ આ કેસની 6 ઓગસ્ટથી દરરોજ સુનાવણી કરશે.

મધ્યસ્થી પેનલ નિષ્ફળ

8 માર્ચે સુપ્રિમ કોર્ટે ઉત્તરપ્રદેશના અયોધ્યામાં બાબરી મસ્જિદ-રામ મંદિર જમીન વિવાદને ઉકેલવા માટે એક મધ્યસ્થા સમિતિની રચના કરી હતી. સમિતિમાં પૂર્વ ન્યાયમૂર્તિ એફએમ કાલિફેલા, શ્રી શ્રી રવિશંકર અને વરિષ્ઠ વકીલ શ્રીરામ પંચુ શામેલ હતા. સમિતિએ અહેવાલ આપવા માટે પ્રથમ 8 અઠવાડિયા આપ્યા હતા, પછી તે સમય 13 અઠવાડિયા સુધી લંબાવાયો હતો. 1 ઓગસ્ટના રોજ, ત્રણ સભ્યોની મધ્યસ્થા પેનલે તેનો સીલ અહેવાલ સુપ્રીમ કોર્ટમાં આપ્યો હતો, જેની સુનાવણી ચીફ જસ્ટિસ રંજન ગોગોઈની અધ્યક્ષતાવાળી બેંચે 2 ઓગસ્ટે કરી હતી. જે પછી સીજેઆઈએ માહિતી આપી હતી કે આ સમિતિ વિવાદને ઉકેલવામાં નિષ્ફળ ગઈ છે, ત્યારબાદ કોર્ટે નિર્ણય લીધો હતો કે સુપ્રીમ કોર્ટ 6 ઓગસ્ટથી દરરોજ આ કેસની સુનાવણી કરશે.

શુ છે વિવાદ?

અયોધ્યામાં બાબરી મસ્જિદ-રામ મંદિર જમીન વિવાદ ઘણા દાયકાઓથી ચાલી રહ્યો છે. સુન્ની વકફ બોર્ડ, નિર્મોહી અખાડા અને રામલાલા જમીનનો દાવો છે. આ કિસ્સામાં, 2010 માં, અલ્હાબાદ હાઈકોર્ટે વિવાદિત 2.77 એકર જમીન સુન્ની વકફ બોર્ડ, નિર્મોહી અખાડા અને રામલાલા વચ્ચે સમાનરૂપે વહેંચવાનો ચુકાદો આપ્યો હતો. આ અંગે ત્રણેય પક્ષોએ નારાજગી વ્યક્ત કરી છે અને સુપ્રીમ કોર્ટનો સંપર્ક કર્યો છે, જેની આજથી સુનાવણી શરૂ થશે.

આ પણ વાંચો: કાશ્મીર પર બિલ પાસ થયા પોલીસે મહેબૂબા મુફ્તી અને ઓમર અબ્દુલ્લાની ધરપકડ કરી

English summary

Ayodhya controversy: Supreme Court begins hearing on Ayodhya matter