RSS સાથે સંબંધ ધરાવતા ખેલાડીઓને નહીં મળે આર્થિક મદદ!

જયપુર, 13 એપ્રિલઃ રાજસ્થાનની ગેહલોત સરકારે રાજ્યના સ્કૂલી ખેલાડીઓ માટે એક અજીબ ફરમાન જારી કર્યું છે. ફરમાન એવું છે કે જો સરકારથી તેમને આર્થિક સહાયતા જોઇએ છે તો પહેલા તેમણે સપથ પત્ર ભરીને આપવું પડશે કે તેમને આરએસએસ અને જમાતે ઇસ્લામી સાથે કોઇપણ પ્રકારનો સંબંધ નથી.

જયપુરના સવાઇમાનસિંહ સ્ટેડિયમમાં એકઠા થયેલા બાળકો પોતાના ખેલના દમ પર સરકારના ચાહિતા બન્યા છે. રાજસ્થાનની સરકાર પણ આ તમામ બાળકોને સારા ખેલ બદલ આર્થિક મદદ આપી રહી છે. પચાસ હજારથી લઇને એક લાખ સુધીની સહાયતા મળવાની છે, પરંતુ શરત એ છે કે તેમણે એક શપથ પત્ર આપવું પડશે, જેમાં તેમના કોઇપણ પ્રકારના સંબંધ આરએસએસ અને જમાતી ઇસ્લામી સાથે નથી.

સ્કૂલી બાળકોને ખબર નથી કે આરએસએસ અને જમાતે ઇસ્લામીવાળા શપથ પત્રો શા માટે ભરાવવામાં આવી રહ્યાં છે, પરંતુ અધિકારીઓનું કહેવું છે કે તેઓ તો સરકાર તરફથી મળેલા ફોરમેટને ભરાવવાની પોતાની ફરજ નિભાવી રહ્યાં છે. ચેક વિતરણ કરનાર રાજ્ય ખેલ પરિષદનું પણ કહેવું છે કે નિર્દેષ સરકારના છે અને તેઓ માત્ર તેનું પાલન કરાવી રહ્યાં છે. ચૂંટણી વર્ષમાં ગહલોત પોતાના આ નિર્ણયથી કયું નિશાન સાધવા ઇચ્છે છે અને તેનાથી શું લાભ થશે એ તો જાણ નથી પરંતુ નિર્ણય પર વિવાદ તો જરૂરથી થશે.

English summary

Rajasthan Chief Minister Ashok Gehlot’s government has decided that sportspersons having any connection with the RSS or Jamaat e Islami will not be entitled for government awards.