સપના ચૌધરીને ડાંસ કરતી જોઈ પાગલ થયા લોકો, સ્ટેજ પર ચઢી ગયા અને પછી...

Published: Tuesday, September 25, 2018, 14:20 [IST]

નવી દિલ્હીઃ ઉત્તર પ્રદેશ, દિલ્હી અને હરિયાણાથી લઈ રાજસ્થાન સુધી પોતાના ડાંસ દ્વારા લાખોના દિલ પર રાજ કરનાર પ્રખ્યાત ડાંસર સપના ચૌધરી જ્યારે સ્ટેજ પર હોય છે ત્યારે તેમના ફેન્સને સંભાળવા બહુ મુશ્કેલ કામ હોય છે. ગાઝિયાબાદના લોની વિસ્તારમાં સ્ટેજ શો દરમિયાન સપના ચૌધરીના ડાંસથી ઘાયલ થયેલ ચાહકોએ બેકાબૂ બનીને સ્ટેજ પર ચઢી ગયા હતા. જે બાદ સપનાના બાઉન્સરે ભારે જહેમત બાદ ભીડને કાબૂમાં કરી અને સપનાને ત્યાંથી સુરક્ષિત રીતે બહાર કાઢી.

સપના મોડી પહોંચતાં લોકો બેકાબૂ થયા

ઉલ્લેખનીય છે કે સપના ચૌધરી રવિવારે રાત્રે લોની વિસ્તારના ડીએલએફ કૉલોનીમાં સ્ટેજ શો કરવા પહોંચી હતી. વરસાદના કારણે સપનાને આવતાં થોડું મોડું થઈ ગયું હતું અને તે રાત્રે 9 વાગ્યે સ્ટેજ પર પહોંચી હતી. જે બાદ જેવો સપના ચૌધરીએ ડાંસ કરવો શરૂ કર્યો કે તેમની સામે બેઠેલા દર્શકો બેકાબૂ થઈ ગયા. આ દરમિયાન કેટલાક લોકો સ્ટેજ પર ચઢી ગયા હતા. જેને પગલે સપના ચૌધરીના બાઉન્સરોએ ધક્કા મારીને લોકોને સ્ટેજ નીચે ઉતારવાની કોશિશ કરી હતી પણ લોકોએ એક ન સાંભળતાં બાઉન્સરોએ મુક્કા મારીને નીચે ઉતાર્યા હતા.

પોલીસે ભીડને સંભાળી

બાઉંસરોના આ વલણને જોઈ શોમાં વિવાદ થયો અને આ મામલાની પોલીસને જાણકારી આપવામાં આવી. મોકે પહોંચેલી પોલીસે ભીડને કાબૂમાં લીધી. બાદમાં સપના ચૌધરીના બાઉન્સરોએ તેને સુરક્ષિત રીતે બહાર કાઢી. પોલીસે આયોજકોને આકરી ચેતાવણી આપતા કહ્યું કે રાત્રે 10 વાગ્યા બાદ જો આવા પ્રકારના કોઈ શોનું આયોજન કર્યું તો કાનૂની કાર્યવાહી કરવામાં આવશે.

સપનાના શોમાં અગાઉ પણ હંગામો થઈ ચૂક્યો છે

જણાવી દઈએ કે આવું પહેલી વખત નથી બન્યું જ્યારે સપનાના શોમાં હંગામો થયો હોય. પછલા દિવસોમાં હરિયાણાના ફરીદાબાદમાં પણ સપનાના ડાંસ શો દરમિયાન દર્શકોની ભીડ બેકાબૂ થઈ ગઈ હતી. સપનાએ સ્ટેજ પરથી જ લોકોને સમજાવવાની કોશિશ કરી પરંતુ જ્યારે લોકો ન માન્યા તો શો અધવચ્ચે જ છોડી દેવો પડ્યો હતો. આ દરમિયાન સપનાને ભીડની વચ્ચેથી કાઢવા માટે પોલીસે ભારે જહેમત ઉઠાવવી પડી હતી.

Published On September 25, 2018