OMG! માત્ર 6 મહિનામાં મહિલાએ 85 બાળકોને આપ્યો જન્મ

Updated: Wednesday, September 23, 2015, 12:25 [IST]

જી હા, આ વાતને તમે વિચારની બહાર માનો કે પછી કાલ્પનિક, પરંતુ હકિકત એ છેકે અસમમાં એક મહિલાએ પાછલા 6 મહિનામાં 85 બાળકોને જન્મ આપ્યો છે. સરકારી રેકોર્ડઝ મુજબ વ્યવસાયે નર્સ આ મહિલાએ માત્ર 6 મહિનામાં 85 બાળકોને જન્મ આપીને સરકારી યોજનાઓનો ભરપૂર લાભ ઉઠાવ્યો છે.

અસમની એક સરકારી હોસ્પિટલમાં બેગમ લસ્કર નામની એક નર્સ પાછલા છ મહિનાથી 85 બાળકોને જન્મ આપવામાં વ્યસ્ત હતી. એક સરકારી યોજના મુજબ જો સગર્ભા મહિલા ડીલીવરી માટે ગ્રામીણ સ્વાસ્થ્ય કેન્દ્રને પસંદ કરે છે, તો તેને 500 રૂપિયા ઇનામ આપવામાં આવે છે.

જ્યારે લીલીએ આ સરકારી યોજના અંગે સાંભળ્યું ત્યારે તેને એટલી હદ સુધી લાલચ થઇ કે તેણે પાછલા છ મહિનામાં 85 બાળકોને જન્મ આપ્યો છે, તેવો દાવો કરતા પણ તે ખચકાઇ નહીં. પરંતુ 85 બાળકોને સરકારી આંકડામાં જન્મ આપવાના તેના આ રેકોર્ડનો પર્દાફાશ પણ જલ્દી જ થઇ ગયો. અને ત્યારબાદ તેને તેની નોકરીથી હાથ ધોવા પડ્યાં.

અધિકારીઓના જણાવ્યા મુજબ આ નર્સે ફાઇલમાં સરકારી દવાખાનામાં 160 પ્રસવના રેકોર્ડઝ નોંધાવ્યા જેમાંથી અડધી નોંધણીમાં માંના કોલમમાં પોતાનું નામ લખી દીધુ. અને આમ તેણે 40,000 રૂપિયા કમાઇ લીધા.