Amethi Lok Sabha Election Result 2024 : કોણ છે અમેઠીમાં સ્મૃતિ ઈરાનીની ઘરવાપસી કરાવનારા કિશોરી લાલ શર્મા?
Amethi Lok Sabha Election Result 2024 : લોકસભા ચૂંટણીના પરિણામોમાં બીજેપી સાથે સાથે ગેસ સિલિન્ડર ફેમ બડબોલી નેતા સ્મૃતિ ઈરાનીની હાલત પણ ખરાબ છે. રાહુલ ગાંધીને લલકારનારી સ્મૃતિ ઈરાની કોંગ્રેસના કિશોરીલાલ શર્મા સામે હારતી જોવા મળી રહી છે.
લોકસભા ચૂંટણીના પરિણામો ચોંકાવનારા સામે આવી રહ્યા છે ત્યારે કેન્દ્રીય મંત્રી સ્મૃતિ ઈરાની અમેઠી લોકસભા સીટ પરથી ખૂબ પાછળ ચાલી રહી છે. અહીં 64,000થી વધુ મતોથી સ્મૃતિ ઈરાની પાછળ છે.
અહીં ઈન્ડિયા ગઠબંધનના ઉમેદવાર કિશોરી લાલ શર્મા જીતતા જોવા મળી રહ્યાં છે. કોંગ્રેસની વ્યૂહરચના અને આક્રમક ચૂંટણી પ્રચાર સંભવતઃ ચૂંટણી પરિણામોમાં કામ કરી રહ્યું છે અને સ્મૃતિ ઈરાની આ બેઠક પરથી હારી શકે છે.
કેએલ શર્મા ગાંધી પરિવારના જૂના પરિચિત છે. તેઓ પરિવારના નજીકના સહયોગી રહ્યા છે અને લાંબા સમયથી રાયબરેલીમાં સોનિયા ગાંધીનું પ્રતિનિધિત્વ કરી રહ્યા છે. તેઓ પાર્ટીની બાબતોમાં મહત્વની ભૂમિકા ભજવતા રહ્યા છે અને ગાંધી પરિવારના ચૂંટણી પ્રચારમાં પણ મહત્વની ભૂમિકા ભજવી છે.
કેએલ શર્મા રાજીવ ગાંધીના નજીકના મિત્ર હતા અને તેમની સાથે લાંબા સમયથી જોડાયેલા હતા. અમેઠીમાં 1983 અને 1991ની ચૂંટણીમાં તેઓ મુખ્ય ખેલાડી હતા, તેમણે કોંગ્રેસ પક્ષને મજબૂત બનાવવામાં મદદ કરી હતી.
તેમણે 1999માં સોનિયા ગાંધીના પ્રથમ ચૂંટણી પ્રચારમાં પણ મહત્ત્વની ભૂમિકા ભજવી હતી, જેના પરિણામે અમેઠીમાં તેમની જીત થઈ હતી.
જણાવી દઈએ કે સ્મૃતિ ઈરાનીએ 2019ની લોકસભા ચૂંટણીમાં રાહુલ ગાંધીને હરાવ્યા હતા. કેએલ શર્મા ચૂંટણી મેદાનમાં ઉતર્યા બાદ તમામ લોકોની નજર આ સીટ પર હતી.
Click it and Unblock the Notifications
Sign in with Google
