વેબસાઈટ હેક થયા બાદ હજુ પણ AIIMSની સેવાઓ પ્રભાવિત, હાલ તમામ સેવાઓ મેન્યુઅલ મોડ પર

હાલમાં જ એઈમ્સની વેબસાઈટ પર સાઈબર હુમલાના સમાચાર આવ્યા હતા. હુમલા બાદ હજુ પણ વેબસાઈટ શરૂ થઈ શકી નથી. મળતી વિગતો અનુસાર, AIIMS પ્રશાસને કહ્યું છે કે, ઈ-હોસ્પિટલનો ડેટા સર્વર પર પુનઃસ્થાપિત કરી દેવામાં આવ્યો છે.

નવી દિલ્હી : હાલમાં જ એઈમ્સની વેબસાઈટ પર સાઈબર હુમલાના સમાચાર આવ્યા હતા. હુમલા બાદ હજુ પણ વેબસાઈટ શરૂ થઈ શકી નથી. મળતી વિગતો અનુસાર, AIIMS પ્રશાસને કહ્યું છે કે, ઈ-હોસ્પિટલનો ડેટા સર્વર પર પુનઃસ્થાપિત કરી દેવામાં આવ્યો છે. સેવાઓ પુનઃસ્થાપિત થાય તે પહેલા નેટવર્કને સેનિટાઇઝ કરવામાં આવી રહ્યું છે.

એઈમ્સ ભારતની સૌથી મોટી હોસ્પિટલોમાંથી એક છે અને તેના સર્વર પર ઘણા મોટા લોકોની હેલ્થ વિગતો હોય છે ત્યારે હવે એઈમ્સ દ્વારા સર્વરને ક્લિયર કરવાની કામગીરી કરાઈ રહી છે. આ બાબતે મંગળવા પ્રશાસને ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સની સાયબર સુરક્ષા સંબંધિત ચિંતાઓ અંગે એક નિવેદન બહાર પાડ્યું હતું. AIIMS પ્રશાસને કહ્યું કે, ઈ-હોસ્પિટલનો ડેટા સર્વર પર પુનઃસ્થાપિત કરી દેવામાં આવ્યો છે. સેવાઓ પુનઃસ્થાપિત થાય તે પહેલા નેટવર્કને સેનિટાઇઝ કરવામાં આવી રહ્યું છે.

દર્દીઓ અને તેમની સાથેના સંબંધીઓને પૂરી પાડવામાં આવતી સુવિધાઓ મુદ્દે AIIMS દ્વારા જણાવાયુ છે કે, ઓનલાઈન સિસ્ટમ કેટલાક સમયથી ખોરવાઈ ગઈ હોવા છતાં આ સમયગાળા દરમિયાન કોઈપણ સેવા બંધ કરવામાં આવશે નહીં. હૉસ્પિટલની સેવાઓ મેન્યુઅલ મોડ પર ચાલુ રહેશે.

English summary

AIIMS services still affected after website hack