અંધવિશ્વાસ: તલવારથી ત્રણ વર્ષની બાળકીની બલી આપી રહ્યો હતો શિક્ષક

અંધવિશ્વાસના જાળમાં ફસાઈને આસામના ઉદલગુડી જિલ્લાના સ્કૂલના શિક્ષક અને તેના પરિવારે પોતાના ઘરની ત્રણ વર્ષની બાળકીની બલી આપવાની કોશિશ કરી, પરંતુ પાડોસીઓના હંગામાને કારણે બાળકીનો જીવ બચી ગયો. મીડિયા રિપોર્ટ્સ અનુસાર ઉદલગુડી જિલ્લાના સરકારી સ્કૂલમાં તેઓ શિક્ષક છે. શિક્ષક અને તેનો આખો પરિવાર અંધવિશ્વાસની જાળમાં ફસાયેલો હતો. ટીચર અને તેનો પરિવાર પોતાના ઘરની બાળકીની બલી આપવા જઈ રહ્યો હતો. બાળકીનું ગળું લાંબી તલવારથી કાપવાની તૈયારની કરવામાં આવી રહી હતી.

પોલીસ અનુસાર તેમને પડોસીઓ ઘ્વારા સૂચના મળી. પોલીસ સાથે સાથે મીડિયાને પણ તેની સૂચના આપવામાં આવી, જયારે પોલીસ અને મીડિયા ટીચરના ઘરે પહોંચ્યા ત્યારે તેમની આંખો ફાટી ગઈ. ટીચર પોતાની સાલીની ત્રણ વર્ષની બાળકીની બલી આપવા જઈ રહ્યો હતો. આખો પરિવાર તાંત્રિક સામે પૂજા પાઠ કરી રહ્યો હતો. બાળકીના કપડાં કાઢીને તેના ગળા સામે તલવાર લટકાવી હતી. બાળકીની માતાની સામે તાંત્રિક તેનું ગળું કાપવા જઈ રહ્યો હતો, ત્યારે જ પોલીસ ત્યાં પહોંચી ગઈ.

પોલીસ અને મીડિયાને જોઈને શિક્ષક અને તેનો પરિવાર ગુસ્સે થયો. તેઓ પોલીસ અને બીજા લોકો પર ઘરના વાસણો ફેંકવા લાગ્યા. જયારે પોલીસ અને મીડિયા કર્મીઓ ઘ્વારા દખલ કરવામાં આવ્યું, ત્યારે પરિવારના લોકોએ પથ્થર અને વાસણો ફેંકવાનું ચાલુ કરી દીધું. એટલું જ નહીં પરંતુ મોટરસાઇકલ, ફ્રીઝ, કાર, ટેલિવિઝન સેટ માં આગ લગાવી દીધી. હાલતને કાબુમાં લેવા માટે પોલીસે હવામાં ફાયરિંગ કરવી પડી. આ દરમિયાન શિક્ષક અને તેનો દીકરો પોલીસની ગોળીમાં ઘાયલ થઇ ગયો. નજરે જોનાર લોકોએ જણાવ્યું કે માસૂમ ત્રણ વર્ષની બાળકી શિક્ષકના સાળીની દીકરી છે અને તેના પિતાએ તેની માતાની હાજરીમાં બાળકીની બલી આપવા માટે તેને સોંપી હતી. પોલીસે તાંત્રિક અને પરિવારના કેટલાક લોકોની ધરપકડ કરી લીધી. પોલીસ આ મામલે તપાસ કરી રહી છે.

English summary

A school teacher and his family reportedly tried to sacrifice a three-year-old child in their house