બાળકી છે કે મા લક્ષ્મીનું રૂપ, 6 વર્ષ પહેલા જેકપોટમાં કાર જીતી હતી, હવે જીત્યા 7 કરોડ

નવી દિલ્હીઃ મંગળવારે દુબઈમાં એક 9 વર્ષની ભારતીય બાળકીને 1 મિલિયન એટલે કે 10 લાખ ડૉલરનો જેકપોટ લાગ્યો છે. આ જેકપોટ તેને દુબઈ ડ્યૂટી ફ્રી મિલીનિયમ મિલિયરનાયરમાં મળ્યો. જણાવી દઈએ કે 6 વર્ષ પહેલા આ બાળકીએ આ જ લોટરીમાંથી લગ્ઝરી કાર McLaren Coupe જીતી હતી. એવામાં આ બાળકીને બહુ સૌભાગ્યશાળી કહેવુ ખોટું નહિ હોય. એલીઝા એમ નામની બાળકીની ટિકિટ તેના પિતા એમ કેએ ખરીદી હતી. આ ડ્રો દુબઈ એરપોર્ટ પર થયો.

બાળકીએ બીજીવાર જેકપોટ જીત્યો

મુંબઈની રહેવાસી આ બાળકી દુબઈ ડ્યૂટી ફ્રી મિલીનિયમ મિલિયરનાયર અંતર્ગત 10 લાખ ડોલર એટલે કે અંદાજીત 7 કરોડ રૂપિયાનો જેકપોટ લાગ્યો છે. આ બાળકીએ 6 વર્ષ પહેલા આ જેકપોટમાં લક્ઝરી કાર જીતી હતી. માટે બાળકીને બહુ સૌભાગ્યશાળી માનવામાં આવી રહી છે. બાળકીના પિતા માટે તે ખરેખર લક્ષ્મીનું રૂપ સાબિત થઈ રહી છે કેમ કે બહુ ઓછા લોકો જિંદગીમાં એકથી વધુ વાર આવી રીતે લકી હોય છે.

અત્યાર સુધીમાં 140 ભારતીય જીતી ચૂક્યા છે દુબઈની આ લોટરી

દુબઈની આ લોટરી વર્ષ 1999માં શરૂ થઈ હતી અને એલીઝા આ લોટરી જીતનાર 140મી ભારતીય છે. ખલીઝ ટાઈમ્સના રિપોર્ટ મુજબ બાળકીની સાથે જ અન્ય બેએ આ લોટરી અંતર્ગત લગ્ઝરી મોટરસાઈકલ પણ જીતી. આ બંને વિજેતાઓમાંથી એક ભારતીય જ છે. જેનું નામ મોહમ્મદ હનીફ આદમ છે જે પાછલા 20 વર્ષથી દુબઈમાં રહે છે પરંતુ ભારતના રહેવાસી છે.

લગ્ઝરી બાઈક ચલાવવા બેતાબ છે હનીફ

મોહમ્મદ હનીફ આદમ આ મોટરબાઈકને જીતી બહુ ખુશ છે. તેમણે કહ્યું કે આ સુંદર બાઈક જીતી ખુશીથી ઝૂમી રહ્યો છું. હું આ બાઈકને ચલાવવા માટે વધુ ઈંતેજાર નથી કરી શકતો.

English summary

9 year old girl won lottery of 1 million dollar, had won a luxary car before